ലിപ് ബാം ഇനി മുതൽ പുറത്ത് നിന്ന് വാങ്ങേണ്ട... ബീറ്റ്റൂട്ടും വെളിച്ചെണ്ണയും ഉണ്ടെങ്കിൽ ലിപ് ബാം വീട്ടിൽ തന്നെ തയ്യാറാക്കാം...
ചുണ്ടുകൾ വരണ്ട് പൊട്ടുന്നത് പലരേയും അലട്ടുന്ന പ്രശ്നമാണ്. അതിനായി ലിപ് ബാമും ഉപയോഗിക്കുന്നവരുണ്ട്.
എന്നാൽ രാസവസ്തുക്കളടങ്ങിയ ലിപ് ബാമിന്റെ ഉപയോഗം ഭാവിയില്‍ ദോഷമായാലോ എന്ന ഭയം പലർക്കുമുണ്ട്. വീട്ടിലുള്ള വസ്തുക്കൾ ഉപയോഗിച്ച് ലിപ് ബാം തയ്യാറാക്കാം...
വേണ്ട ചേരുവകൾ...
ബീറ്റ്റൂട്ട് 1 എണ്ണം
വെളിച്ചെണ്ണ 1 ടീസ്പൂൺ
തയ്യാറാക്കേണ്ട വിധം...
ആദ്യം ബീറ്റ് റൂട്ട് നന്നായി കഴുകിയശേഷം ചെറുതായി അരിഞ്ഞെടുക്കുക. നീര് പിഴിഞ്ഞെടുക്കണം. അഞ്ച് സ്പൂൺ ബീറ്റ്റൂട്ട് നീരിലേക്ക് ഒരു സ്പൂൺ വെളിച്ചെണ്ണ ചേർക്കുക. ഇതു നന്നായി മിക്സ് ചെയ്യണം. ശേഷം അൽപമൊന്ന് കട്ടിയാകുന്നതിനായി ഈ മിശ്രിതം ഫ്രിഡ്ജിലേക്ക് വയ്ക്കുക. കട്ടിയായി കഴിഞ്ഞാൽ ആവശ്യാനുസരണം എടുത്ത് ഉപയോഗിക്കാം. ഉപയോഗിച്ച ശേഷം ഫ്രിഡ്ജിൽ തന്നെ സൂക്ഷിക്കുക...ചുണ്ട് വരണ്ടു പൊട്ടുന്നത് തടയുന്നതിനൊപ്പം ചുണ്ടുകൾക്ക് നിറം ലഭിക്കാനും ഈ ലിപ് ബാം സഹായിക്കും.
ഈ അഞ്ച് ഭക്ഷണങ്ങൾ കഴിക്കൂ, രക്തത്തിലെ ഹീമോഗ്ലോബിന്റെ അളവ് കൂട്ടാൻ സഹായിക്കും
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona