ഈ സൂചനകളെ അവഗണിക്കരുതേ, വൃക്കരോഗത്തിന്റെ ലക്ഷണങ്ങളാകാം...
Synopsis
വൃക്ക രോഗത്തിന്റെ പ്രാരംഭത്തിൽ സാധാരണയായി അടയാളങ്ങളോ ലക്ഷണങ്ങളോ പ്രകടമായെന്ന് വരില്ല. വൃക്ക രോഗികളില് കണ്ടു വരുന്ന ചില ലക്ഷണങ്ങള് എന്തൊക്കെയാണെന്ന് നോക്കാം...
മനുഷ്യശരീരത്തിലെ മാലിന്യത്തെ പുറന്തള്ളുന്ന അവയവമാണ് വൃക്ക. പല കാരണങ്ങള് കൊണ്ടും വൃക്കകളുടെ ആരോഗ്യം മോശമാകാം. വൃക്ക രോഗത്തിന്റെ പ്രാരംഭത്തിൽ സാധാരണയായി അടയാളങ്ങളോ ലക്ഷണങ്ങളോ പ്രകടമായെന്ന് വരില്ല. വൃക്ക രോഗികളില് കണ്ടു വരുന്ന ചില ലക്ഷണങ്ങള് എന്തൊക്കെയാണെന്ന് നോക്കാം...
ഒന്ന്...
വൃക്ക രോഗത്തിന്റെ അടിസ്ഥാന ലക്ഷണങ്ങളാണ് മൂത്രാശയ സംവിധാനങ്ങളുടെ പ്രവര്ത്തനത്തിലുണ്ടാകുന്ന മാറ്റങ്ങള്. മൂത്രത്തിന്റെ അളവ് കുറയുക, ഇടയ്ക്കിടെ മൂത്രം ഒഴിക്കുക, മൂത്രത്തില് രക്തം കാണുക എന്നിവ ശ്രദ്ധിക്കേണ്ട കാര്യങ്ങളാണ്. രാത്രിയിൽ കൂടുതൽ തവണ മൂത്രമൊഴിക്കാൻ എഴുന്നേൽക്കുന്നത് വൃക്കകളുടെ തകരാറുകളുടെ സൂചനയാകാം. മൂത്രത്തിന്റെ അളവ് കൂടുകയോ കുറയുകയോ ചെയ്യുന്നത്, മൂത്രത്തിന് കടുത്ത നിറം, മൂത്രം ഒഴിക്കണമെന്ന് തോന്നുകയും എന്നാല് മൂത്രം പോകാതിരിക്കുകയും ചെയ്യുന്ന അവസ്ഥ എന്നിവ പ്രധാന ലക്ഷണങ്ങളാണ്. ദീര്ഘനേരം മൂത്രം ഒഴിക്കാതിരിക്കുന്നതും വൃക്ക രോഗത്തിന്റെ തുടക്കത്തിലുള്ള ലക്ഷണമാണ്.
രണ്ട്...
വൃക്കയുടെ പ്രവര്ത്തനം മോശമായാല് ചിലപ്പോൾ കാലിൽ നീര്, കൈകളിലും കണ്ണിന് താഴെയും മുഖത്തുമൊക്കെ നീര് എന്നിവയുടെ സാധ്യത ഉണ്ട്.
മൂന്ന്...
ക്ഷീണവും തളര്ച്ചയും പല കാരണങ്ങള് കൊണ്ടും ഉണ്ടാകാം. എന്നാല് വൃക്കയുമായി ബന്ധപ്പെട്ട പ്രശ്നങ്ങള്ക്കും ഇവയുണ്ടാകാം.
നാല്...
വൃക്കകള് തകരാറിലാകുന്നതോടെ ശരീരത്തിലെ മാലിന്യങ്ങളും മറ്റും രക്തത്തില് അടിയുന്നു. ഇതുകാരണം ത്വക്ക് രോഗവും ചൊറിച്ചിലുമൊക്കെ ഉണ്ടാകാം.
അഞ്ച്...
വിശപ്പില്ലായ്മ, ഛര്ദി, ശരീരഭാരം കുറയുക തുടങ്ങിയവയും ചിലപ്പോള് വൃക്കയുമായി ബന്ധപ്പെട്ട് ഉണ്ടാകാം.
ആറ്...
പുറത്തും അടിവയറിന് വശങ്ങളിലുമുള്ള വേദനയും ചിലപ്പോള് വൃക്ക രോഗത്തിന്റെ ലക്ഷണങ്ങളാകാം.
ഏഴ്...
ശ്വാസതടസവും ഉറക്കക്കുറവുമൊക്കെ വൃക്ക രോഗത്തിന്റെ ലക്ഷണങ്ങളാകാം.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
Also read: ഈ അഞ്ച് വിറ്റാമിനുകളുടെ കുറവ് ചര്മ്മം വരണ്ടതാക്കും...