നിങ്ങൾക്ക് മങ്കിപോക്സ് (monkeypox) ഉണ്ടെന്ന് കണ്ടെത്തിയാൽ പൂർണ്ണമായി സുഖം പ്രാപിക്കാൻ സമീകൃതാഹാരം ശീലമാക്കുക, വെള്ളം കുടിക്കുക, വിശ്രമം എന്നിവയിൽ ശ്രദ്ധ കേന്ദ്രീകരിക്കേണ്ടത് പ്രധാനമാണ്. ഉയർന്ന ആന്റിഓക്‌സിഡന്റുകൾ, പ്രോട്ടീനുകൾ, ധാതുക്കൾ, വിറ്റാമിനുകൾ എന്നിവ അടങ്ങിയ ഭക്ഷണങ്ങൾ ശക്തി വീണ്ടെടുക്കാൻ പ്രധാനമാണെന്ന് പോഷകാഹാര വിദഗ്ധർ പറയുന്നു.
ലോകമെമ്പാടും അതിവേഗം വർദ്ധിച്ച് കൊണ്ടിരിക്കുകയാണ് മങ്കിപോക്സ് രോഗം (Monkeypox). സംസ്ഥാനത്ത് ഒരാൾക്കുകൂടി മങ്കിപോക്സ് സ്ഥിരീകരിച്ചു. പനി, വിറയൽ തുടങ്ങിയ ഇൻഫ്ലുവൻസ പോലുള്ള ലക്ഷണങ്ങളോടെയാണ് മങ്കിപോക്സ് ആരംഭിക്കുന്നത്. അതിനുശേഷം ഒരു ചുണങ്ങ് പ്രത്യക്ഷപ്പെടുന്നു.
നിങ്ങൾക്ക് മങ്കിപോക്സ് ഉണ്ടെന്ന് കണ്ടെത്തിയാൽ പൂർണ്ണമായി സുഖം പ്രാപിക്കാൻ സമീകൃതാഹാരം ശീലമാക്കുക, വെള്ളം കുടിക്കുക, വിശ്രമം എന്നിവയിൽ ശ്രദ്ധ കേന്ദ്രീകരിക്കേണ്ടത് പ്രധാനമാണ്. ഉയർന്ന ആന്റിഓക്‌സിഡന്റുകൾ, പ്രോട്ടീനുകൾ, ധാതുക്കൾ, വിറ്റാമിനുകൾ എന്നിവ അടങ്ങിയ ഭക്ഷണങ്ങൾ ശക്തി വീണ്ടെടുക്കാൻ പ്രധാനമാണെന്ന് പോഷകാഹാര വിദഗ്ധർ പറയുന്നു.
പ്രോട്ടീൻ അടങ്ങിയ ഭക്ഷണങ്ങൾ എന്ത് കൊണ്ട് പ്രധാനം? (protein rich foods important)
'പ്രോട്ടീനുകളുടെയും ആന്റിഓക്‌സിഡന്റുകളുടെയും ഉയർന്ന ഉപഭോഗം പ്രധാനമാണെന്നും വിദഗ്ധർ ചൂണ്ടിക്കാട്ടുന്നു.
പേശികൾ നിർമ്മിക്കുമ്പോൾ കോശങ്ങളുടെ കേടുപാടുകൾ പരിഹരിക്കാൻ സഹായിക്കുന്ന ഏറ്റവും പ്രധാനപ്പെട്ട പോഷകങ്ങളിലൊന്നാണ് പ്രോട്ടീൻ. ഇത് നമ്മുടെ പ്രതിരോധശേഷി വർദ്ധിപ്പിക്കുന്നു. രോഗങ്ങൾ മൂലമുണ്ടാകുന്ന കോശങ്ങളുടെ തകരാറുകൾ സുഖപ്പെടുത്താൻ ഇത് സഹായിക്കുന്നു. മങ്കിപോക്സിൽ നിന്ന് സുഖംപ്രാപിക്കുന്ന ആളുകൾ നട്സുകൾ, പയർ, പാലുൽപ്പന്നങ്ങൾ, ചിക്കൻ, മുട്ട, മത്സ്യം തുടങ്ങിയ പ്രോട്ടീൻ അടങ്ങിയ ഭക്ഷണങ്ങൾ ഉൾപ്പെടുത്തണം. ആന്റി വൈറൽ ഗുണങ്ങൾ അടങ്ങിയ ഭക്ഷണങ്ങൾ പ്രധാനമാണ്. തുളസി, ഇഞ്ചി, കുരുമുളക്, ഗ്രാമ്പൂ, വെളുത്തുള്ളി തുടങ്ങിയ ഭക്ഷണങ്ങൾ പലപ്പോഴും ആന്റി വൈറൽ ഭക്ഷണങ്ങളായി കണക്കാക്കപ്പെടുന്നു...' - മസീന ഹോസ്പിറ്റലിലെ ക്ലിനിക്കൽ ഡയറ്റീഷ്യൻ അനം ഗൊലാൻഡാസ് പറയുന്നു.
Read more മങ്കിപോക്സ്; ആശങ്ക വേണ്ട, ഇതൊരു മാരകമായ രോഗവുമല്ല; വിദഗ്ധർ പറയുന്നു
ശരീരത്തിലെ ധാതുക്കളും വിറ്റാമിനുകളും വിഷവസ്തുക്കളെ പുറന്തള്ളുന്നതിലും ദ്രാവകങ്ങൾ വളരെ പ്രധാന പങ്ക് വഹിക്കുന്നു. കരിക്കിൻ വെള്ളം, നെല്ലിക്ക ജ്യൂസ്, ലസ്സി, ഓറഞ്ച് ജ്യൂസ് തുടങ്ങിയവ ഭക്ഷണത്തിൽ ഉൾപ്പെടുത്തണം. മുകളിൽ സൂചിപ്പിച്ച ഭക്ഷണങ്ങൾക്കൊപ്പം ഇവയും കഴിക്കുമ്പോൾ നിങ്ങൾ വേഗത്തിൽ സുഖം പ്രാപിക്കുന്നതായി അനം ഗൊലാൻഡാസ് പറഞ്ഞു.
പ്രതിരോധശേഷി വർധിപ്പിക്കുന്നതിനും ജലാംശം നിലനിർത്തുന്നതിനും നല്ല സമീകൃതാഹാരം കഴിക്കുന്നത് വേഗത്തിൽ സുഖം പ്രാപിക്കാൻ സഹായിക്കുമെന്ന് സെൻ മൾട്ടിസ്പെഷ്യാലിറ്റി ഹോസ്പിറ്റലിലെ ഡയറ്റീഷ്യൻ പ്രിയ പാലൻ പറയുന്നു. നന്നായി പാകം ചെയ്ത ഭക്ഷണം കഴിക്കുക. ദഹനം എളുപ്പമാക്കാൻ മധുരക്കിഴങ്ങ്, ഓട്‌സ് നന്നായി വേവിച്ചത്, വേവിച്ച ബീൻസ്, പയറ് തുടങ്ങിയ ഭക്ഷണങ്ങൾ ഉൾപ്പെടുത്തണമെന്നും അവർ പറഞ്ഞു.
മങ്കിപോക്സ് രോഗികൾ ഭക്ഷണകാര്യത്തിൽ ശ്രദ്ധിക്കേണ്ടത് (Monkeypox diet)....
ഉണക്കമുന്തിരി : ഉള്ളി, വെളുത്തുള്ളി, വാഴപ്പഴം തുടങ്ങിയ ഭക്ഷണങ്ങൾ മൊത്തത്തിലുള്ള ആരോഗ്യം വർദ്ധിപ്പിക്കും. തൈര്, കൊഴുപ്പ് കുറഞ്ഞ പനീർ, സ്മൂത്തികൾ എന്നിവയിൽ കുതിർത്ത ഉണക്കമുന്തിരി ചേർത്ത് കഴിക്കുന്നതും ആരോഗ്യത്തിനും നല്ലതാണെന്നും വിദഗ്ധർ പറയുന്നു.
Read more മങ്കിപോക്സ് ചികിത്സ എങ്ങനെ? അറിയാം രോഗലക്ഷണങ്ങളും...
പഴങ്ങളും പച്ചക്കറികളും കഴിക്കുക : ഫൈറ്റോ ന്യൂട്രിയന്റുകൾ ലഭിക്കാൻ സരസഫലങ്ങൾ, തണ്ണിമത്തൻ, കുക്കുമ്പർ, ചീര, ബ്രൊക്കോളി തുടങ്ങിയവ കഴിക്കുക. മാത്രമല്ല, നന്നായി കഴുകിയ വ്യത്യസ്ത നിറങ്ങളിലുള്ള പഴങ്ങളും പച്ചക്കറികളും കഴിക്കുക. സോയ, കോട്ടേജ് ചീസ്, തൈര് തുടങ്ങിയ പ്രോട്ടീൻ ഭക്ഷണങ്ങളുടെ ഉപഭോഗം വർദ്ധിപ്പിക്കുക.
ധാരാളം വെള്ളം കുടിക്കുക : ജലാംശം നിലനിർത്താനും ശരീരത്തിൽ നിന്ന് വിഷവസ്തുക്കളെ നീക്കം ചെയ്യാനും വെള്ളം കുടിക്കുന്നത് സഹായിക്കും. എന്നാൽ അമിതമായ കാപ്പി, ചായ, മദ്യം, പുകവലി, സോഡ, കോളകൾ എന്നിവ നിങ്ങളുടെ ആരോഗ്യത്തെ മോശമാക്കുന്ന മറ്റ് എനർജി ഡ്രിങ്കുകൾ ഒഴിവാക്കണം. കരിക്കിൻ വെള്ളത്തിൽ സുപ്രധാന ധാതുക്കളും വിറ്റാമിനുകളും അടങ്ങിയിട്ടുണ്ട്. ഇത് ശരീരത്തെ തണുപ്പിക്കുകയും പ്രതിരോധശേഷി വർദ്ധിപ്പിക്കുകയും ചെയ്യുന്നു.
ഉപ്പിന്റെ അളവ് കുറയ്ക്കുക: ഉപ്പിട്ട ഭക്ഷണങ്ങളായ ചിപ്‌സ്, പാക്കേജ്ഡ് ഫുഡുകൾ, റെഡി സൂപ്പുകൾ എന്നിവ ഒഴിവാക്കുക. മുളക്, കുരുമുളക് തുടങ്ങിയ എരിവുള്ള ഭക്ഷണങ്ങൾ ദഹനവ്യവസ്ഥയെ അലോസരപ്പെടുത്തും. ഭക്ഷണത്തിൽ ഉൾപ്പെടുത്തരുത്.
മാരകമായ ഒരു രോഗമല്ല മങ്കിപോക്സ്...
വായുവിലൂടെ അതിവേഗം പടരുന്ന കൊവിഡ്-19 പോലെ മങ്കിപോക്സ് അതിവേഗം പടരുന്ന രോഗമല്ലെന്ന് കേരളത്തിലെ കൊവിഡിലെ ഇന്ത്യ മെഡിക്കൽ ടാസ്‌ക് ഫോഴ്‌സിലെ ഡോ. രാജീവ് ജയദേവൻ പറഞ്ഞു. മാരകമായ ഒരു രോഗവുമല്ല. ഈ വർഷം അറിയപ്പെടുന്ന 6000 കേസുകളിൽ യുഎസിലോ യൂറോപ്പിലോ മരണങ്ങളൊന്നും ഉണ്ടായിട്ടില്ലെന്നത് ശ്രദ്ധിക്കുക. ആഫ്രിക്കയിലെ ചില സ്ഥലങ്ങളിൽ മരണനിരക്ക് ഉണ്ടായിരുന്നു എന്നത് ശരിയാണ്, പക്ഷേ അത് പ്രാഥമികമായി ഈ വൈറസിന്റെ കോംഗോ സ്ട്രെയിൻ ആയിരുന്നു. അത് മറ്റെവിടെയെങ്കിലും പ്രചരിക്കുന്നില്ലെന്നും അദ്ദേഹം പറഞ്ഞു.
Read more മങ്കിപോക്സ് അനുഭവം തുറന്നുപറഞ്ഞ് ലൈംഗികാരോഗ്യ മേഖലയില്‍ പ്രവര്‍ത്തിക്കുന്നയാള്‍