രാവിലെ വ്യായാമം ചെയ്യുന്നത് ഹൃദ്രോഗ സാധ്യത കുറയ്ക്കുന്നതായി പഠനം

'വ്യായാമം ഹൃദയാരോഗ്യത്തിന് നല്ലതാണെന്ന് സ്ഥിരീകരിച്ചിട്ടുണ്ട്. പ്രഭാത പ്രവർത്തനമാണ് ഏറ്റവും പ്രയോജനകരമെന്ന് ഞങ്ങളുടെ പഠനം ഇപ്പോൾ സൂചിപ്പിക്കുന്നു...'- നെതർലൻഡ്‌സിലെ ലൈഡൻ യൂണിവേഴ്‌സിറ്റി മെഡിക്കൽ സെന്ററിലെ ​ഗവേഷകൻ ഗാലി അൽബാലക് പറഞ്ഞു.

ഹൃദ്രോഗത്തിനും ഹൃദയാഘാതത്തിനും ഏറ്റവും കുറഞ്ഞ അപകടസാധ്യതയുമായി രാവിലെ ശാരീരിക പ്രവർത്തനങ്ങൾ ബന്ധപ്പെട്ടിരിക്കുന്നതായി പഠനം. യൂറോപ്യൻ ജേണൽ ഓഫ് പ്രിവന്റീവ് കാർഡിയോളജിയിൽ പഠനം പ്രസിദ്ധീകരിച്ചു.  'വ്യായാമം ഹൃദയാരോഗ്യത്തിന് നല്ലതാണെന്ന് സ്ഥിരീകരിച്ചിട്ടുണ്ട്. പ്രഭാത പ്രവർത്തനമാണ് ഏറ്റവും പ്രയോജനകരമെന്ന് ഞങ്ങളുടെ പഠനം ഇപ്പോൾ സൂചിപ്പിക്കുന്നു...'- നെതർലൻഡ്‌സിലെ ലൈഡൻ യൂണിവേഴ്‌സിറ്റി മെഡിക്കൽ സെന്ററിലെ ​ഗവേഷകൻ ഗാലി അൽബാലക് പറഞ്ഞു.

പഠനത്തിന് യുകെ ബയോബാങ്കിൽ നിന്നുള്ള ഡാറ്റ ഉപയോഗിച്ചു. തുടക്കത്തിൽ ഹൃദയ സംബന്ധമായ അസുഖങ്ങൾ ഇല്ലാത്ത 42 നും 78 നും ഇടയിൽ പ്രായമുള്ള 86,657 മുതിർന്നവരും പഠനത്തിൽ പങ്കെടുത്തു. ആറ് മുതൽ എട്ട് വർഷം വരെ, പങ്കെടുത്ത 2,911 പേർക്ക് കൊറോണറി ആർട്ടറി രോഗം ഉണ്ടാകുകയും 796 പേർക്ക് സ്ട്രോക്ക് ഉണ്ടാവുകയും ചെയ്തുവെന്ന് പഠനം പറയുന്നു.

24 മണിക്കൂർ കാലയളവിൽ ഏറ്റവും കൂടുതൽ പ്രവർത്തന സമയം താരതമ്യം ചെയ്യുമ്പോൾ, രാവിലെ 8 മണിക്കും 11 മണിക്കും ഇടയിൽ വ്യായാമം ചെയ്യുന്നത് ഹൃദ്രോഗത്തിന്റെയും പക്ഷാഘാതത്തിന്റെയും ഏറ്റവും കുറഞ്ഞ അപകടസാധ്യതയുമായി ബന്ധപ്പെട്ടിരിക്കുന്നുതായി ​ഗവേഷകർ പറഞ്ഞു.

രണ്ടാമത്തെ വിശകലനത്തിൽ, ഗവേഷകർ പങ്കെടുക്കുന്നവരെ പരമാവധി ശാരീരിക പ്രവർത്തന സമയത്തെ അടിസ്ഥാനമാക്കി നാല് ഗ്രൂപ്പുകളായി തിരിച്ചു- മധ്യാഹ്നം, അതിരാവിലെ (രാവിലെ 8 മണി), രാവിലെ വൈകി (രാവിലെ 10 മണി), വൈകുന്നേരം (7 മണി).

'പ്രായവും ലിംഗഭേദവും ക്രമീകരിച്ച ശേഷം അതിരാവിലെയോ വൈകുന്നേരമോ ഏറ്റവും സജീവമായ പങ്കാളികൾക്ക് റഫറൻസ് ഗ്രൂപ്പുമായി താരതമ്യപ്പെടുത്തുമ്പോൾ യഥാക്രമം കൊറോണറി ആർട്ടറി രോഗത്തിന്റെ അപകടസാധ്യത യഥാക്രമം 11 ശതമാനവും 16 ശതമാനവും കുറവാണെന്നും പഠനം കൂട്ടിച്ചേർത്തു. ഞങ്ങളുടെ കണ്ടെത്തലുകൾ വ്യായാമം ചെയ്യുന്നതിന്റെ ആരോ​ഗ്യ​ഗുണങ്ങളെ കുറിച്ചും തെളിവുകൾ കൂട്ടിച്ചേർക്കുന്നു...'-  അൽബാലക് പറഞ്ഞു.