National Egg Day 2022 : ദിവസവും ഒരു മുട്ട കഴിച്ചാൽ ഇത്രയും ​ഗുണങ്ങളോ?

ഒരു മുട്ടയിൽ ഏകദേശം 7 ഗ്രാം ഉയർന്ന ഗുണമേന്മയുള്ള പ്രോട്ടീൻ, 5 ഗ്രാം നല്ല കൊഴുപ്പ്, വിറ്റാമിനുകൾ, ധാതുക്കൾ, ഇരുമ്പ് തുടങ്ങിയ ഒന്നിലധികം മൈക്രോ ന്യൂട്രിയന്റുകൾ എന്നിവ അടങ്ങിയിരിക്കുന്നു. 

ഇന്ന് ദേശീയ മുട്ട ദിനം (national egg day). ഏറ്റവും വൈവിധ്യമാർന്ന ഭക്ഷണമാണ് മുട്ട. എല്ലാ വർഷവും ജൂൺ 3 ന് യുഎസ് ദേശീയ മുട്ട ദിനം (national egg day) ആഘോഷിക്കുന്നു. ഈ ദിവസം മുട്ടയുടെയും എല്ലാ പ്രോട്ടീൻ സമ്പുഷ്ടമായ ഭക്ഷണങ്ങളുടെയും പ്രാധാന്യത്തെ അടയാളപ്പെടുത്തുന്നു. 

ഒരു മുട്ടയിൽ ഏകദേശം 7 ഗ്രാം ഉയർന്ന ഗുണമേന്മയുള്ള പ്രോട്ടീൻ, 5 ഗ്രാം നല്ല കൊഴുപ്പ്, വിറ്റാമിനുകൾ, ധാതുക്കൾ, ഇരുമ്പ് തുടങ്ങിയ ഒന്നിലധികം മൈക്രോ ന്യൂട്രിയന്റുകൾ എന്നിവ അടങ്ങിയിരിക്കുന്നു. ദിവസവും ഒരു മുട്ട കഴിച്ചാലുള്ള ആരോ​ഗ്യ ​ഗുണങ്ങളെ കുറിച്ചറിയാം...

Read more ഈ ഭക്ഷണങ്ങള്‍ നിര്‍ബന്ധമായും ഡയറ്റില്‍ ഉള്‍പ്പെടുത്തണം, കാരണം...

ഒന്ന്...

വിറ്റാമിൻ ഡിയാൽ സമ്പുഷ്​ഠമാണ്​ മുട്ട. ഇതിന്​ പുറ​മെ ഫോസ്​ഫറസി​ൻറെ സാന്നിധ്യവും ബലമുള്ള എല്ലുകളുടെയും പല്ലി​ൻറെയും നിർമാണത്തിന്​ സഹായിക്കും.   

രണ്ട്...

ബീറ്റൈൻ, കോളിൻ തുടങ്ങിയ ഹൃദയാരോഗ്യം പ്രോത്സാഹിപ്പിക്കുന്ന നിരവധി പോഷകങ്ങൾ മുട്ടയിൽ അടങ്ങിയിട്ടുണ്ട്. ദിവസവും ഒരു മുട്ട കഴിക്കുന്നത് ഹൃദ്രോഗത്തിനും പക്ഷാഘാതത്തിനും ഉള്ള സാധ്യത കുറയ്ക്കുമെന്ന് അടുത്തിടെ നടത്തിയ ഒരു പഠനത്തിൽ പറയുന്നു. 

മൂന്ന്...

കോളിൻ ഏറ്റവും മികച്ച ഭക്ഷണ സ്രോതസ്സുകളിലൊന്നാണ് മുട്ട. കോശ സ്തരങ്ങളുടെ രൂപീകരണത്തിനും മെമ്മറി ഉൾപ്പെടെയുള്ള മസ്തിഷ്ക പ്രവർത്തനത്തിനും ഈ പോഷകം ആവശ്യമാണ്. ഗർഭാവസ്ഥയിലും മുലയൂട്ടുന്ന സമയത്തും ഇത് വളരെ പ്രധാനമാണ്.

Read more തൈറോയ്ഡ് രോ​ഗികൾ കഴിക്കേണ്ട ആറ് സൂപ്പർ ഫുഡുകൾ

നാല്...

കണ്ണിന്റെ ആരോ​ഗ്യത്തിന് കഴിക്കേണ്ട ഒരു പ്രധാന ഭക്ഷണമാണ് മുട്ട. മഞ്ഞക്കരു വലിയ അളവിൽ കരോട്ടിനുകൾ അടങ്ങിയിട്ടുണ്ട്, പ്രത്യേകം ശ്രദ്ധിക്കേണ്ടത് ല്യൂട്ടിൻ, സിയാക്സാന്തിൻ എന്നിവയാണ്, ഇവ മാക്യുലർ ഡീജനറേഷനും തിമിരവും തടയുന്നതിന് പ്രധാനമാണ്. നല്ല കാഴ്‌ചയ്‌ക്കുള്ള പ്രധാനമായ വിറ്റാമിൻ എയുടെ ഉറവിടം കൂടിയാണ് മുട്ട.

അഞ്ച്...

മുട്ടയിലെ ഉയർന്ന ആൻറി ഓക്​സിഡൻറ്​ ഘടകങ്ങളുടെ സാന്നിധ്യം കണ്ണുകളുടെ സംരക്ഷണത്തിന്​ വഴിവയ്ക്കുകയും പ്രായവുമായി ബന്ധപ്പെട്ട ആരോഗ്യപ്രശ്​നങ്ങളെ പ്രതിരോധിക്കാൻ സഹായിക്കുകയും ചെയ്യുന്നു. ഇതി​ലെ അമിനോ ആസിഡി​ൻറെ സാന്നിധ്യം ഹൃദ്രോഗത്തെ തടയാൻ സഹായിക്കുന്നു.  

ആറ്...

ഉയർന്ന പ്രോട്ടീനി​ൻറെ അപൂർവമായ മികച്ച ഉറവിടമാണ്​ മുട്ട. പ്രോട്ടീൻ ദഹനത്തിന്​ കൂടുതൽ സമയമെടുക്കുന്നതിനാൽ വിശപ്പ്​ തോന്നിക്കുകയുമില്ല. കൊഴുപ്പിനെ തടയുന്ന വിറ്റാമിനുകളുടെ സാന്നിധ്യവും പ്രോട്ടീൻ സാന്നിധ്യവും അമിതഭാരം കുറക്കാൻ സഹായിക്കും. 

Read more  കൊളസ്ട്രോളും പ്രമേഹവും കുറയ്ക്കാൻ ഇതാ ഒരു സൂപ്പർ ഫുഡ്