Prostate Cancer : പ്രോസ്റ്റേറ്റ് ക്യാൻസർ ; സെക്സിനിടെ കാണുന്ന ഈ ലക്ഷണം അവ​ഗണിക്കരുത്

പെട്ടെന്നുള്ള ഉദ്ധാരണക്കുറവ് പ്രോസ്റ്റേറ്റ് ക്യാൻസറിന്റെ ലക്ഷണങ്ങളിലൊന്നാണെന്ന് വിദ​ഗ്ധർ പറയുന്നു. പ്രോസ്റ്റേറ്റ്  ലൈംഗിക ജീവിതത്തെ ബാധിക്കാമെന്നും വിദ​ഗ്ധർ പറയുന്നു. 

പുരുഷന്മാരിൽ ഏറ്റവും സാധാരണമായ ക്യാൻസറാണ് പ്രോസ്റ്റേറ്റ് ക്യാൻസർ.  മൂത്രാശയ സംവിധാനവുമായി അടുത്ത ബന്ധമുള്ള പുരുഷ പ്രത്യുത്പാദന വ്യവസ്ഥയുടെ ഒരു പ്രധാന ഭാഗമാണ് പ്രോസ്റ്റേറ്റ്. പ്രായമായ പുരുഷന്മാർക്ക് മാത്രമല്ല ചെറുപ്പക്കാർക്കും പ്രോസ്റ്റേറ്റ് ക്യാൻസർ വരാം.

45 വയസ്സിന് താഴെയുള്ള പുരുഷന്മാരെയാണ് ഈ ക്യാൻസർ കൂടുതലും ബാധിക്കുന്നത്. ചില അർബുദങ്ങൾ ആക്രമണാത്മകമായി വളരുകയും ശരീരത്തിന്റെ മറ്റ് ഭാഗങ്ങളിലേക്ക് പടരുകയും ചെയ്യും. അതിനാലാണ് രോഗം നേരത്തെ കണ്ടെത്തുന്നത് പ്രതിരോധത്തിനും ഫലപ്രദമായ ചികിത്സയ്ക്കും പ്രധാനം.

പെട്ടെന്നുള്ള ഉദ്ധാരണക്കുറവ് പ്രോസ്റ്റേറ്റ് ക്യാൻസറിന്റെ ലക്ഷണങ്ങളിലൊന്നാണെന്ന് വിദ​ഗ്ധർ പറയുന്നു. പ്രോസ്റ്റേറ്റ്  ലൈംഗിക ജീവിതത്തെ ബാധിക്കാമെന്നും വിദ​ഗ്ധർ പറയുന്നു. ഉദ്ധാരണക്കുറവ് (ED), ബലഹീനത എന്നും അറിയപ്പെടുന്നു. ഒരു വ്യക്തിക്ക് ഉദ്ധാരണം നേടാനോ നിലനിർത്താനോ കഴിയാത്തതിനെ സൂചിപ്പിക്കുന്നു. ഇത് ശാരീരികമോ മാനസികമോ ആയ അവസ്ഥയുടെ ലക്ഷണമാകാം. 

പ്രോസ്റ്റേറ്റ് ക്യാൻസറിന്റെ പ്രധാനപ്പെട്ട ലക്ഷണങ്ങൾ..

പതിവായി മൂത്രമൊഴിക്കൽ.
മൂത്രമൊഴിക്കുമ്പോഴോ സ്ഖലനം ചെയ്യുമ്പോഴോ വേദന അനുഭവപ്പെടുക.
മൂത്രത്തിലോ ശുക്ലത്തിലോ രക്തം കാണുക.

 പുരുഷന്മാർക്കിടയിൽ ഏറ്റവും സാധാരണമായ ക്യാൻസറാണ് പ്രോസ്റ്റേറ്റ് ക്യാൻസർ. ക്യാൻസർ നേരത്തേ കണ്ടുപിടിക്കാൻ രോഗത്തിന്റെ മുന്നറിയിപ്പ് സൂചനകൾ അറിയേണ്ടത് പ്രധാനമാണെന്ന് വിദ​ഗ്ധർ പറയുന്നു. പ്രാരംഭ ഘട്ടത്തിൽ രോഗനിർണയം നടത്തുകയും പ്രാരംഭ ഘട്ടത്തിൽ ചികിത്സിക്കുകയും ചെയ്താൽ രോ​ഗം മാറ്റാനാകും. എന്നാൽ ഈ അവസ്ഥയെ കുറിച്ചുള്ള അവബോധമില്ലായ്മ മിക്ക കേസുകളിലും ഇത് മാരകമായ രോഗമായി മാറുന്നു. 

പ്രോസ്റ്റേറ്റ് ക്യാൻസറിനുള്ള സാധ്യത പ്രായത്തിനനുസരിച്ച് വർദ്ധിക്കുന്നു. 50 വയസ്സിന് ശേഷം, പതിവായി പ്രോസ്റ്റേറ്റ് പരിശോധനകൾക്കായി ഡോക്ടറെ സന്ദർശിക്കുക. ആരോഗ്യകരമായ ഭക്ഷണക്രമവും പതിവായി വ്യായാമവും ചെയ്യുന്നത്  ആരോഗ്യം മെച്ചപ്പെടുത്തുന്നതിനും ക്യാൻസർ പോലുള്ള രോ​ഗങ്ങളെ തടയുന്നതിനും സഹായകമാണെന്ന് വിദ​ഗ്ധർ ചൂണ്ടിക്കാട്ടുന്നു.