Health Tips: വിറ്റാമിൻ ബി12 അഭാവം; ഈ ലക്ഷണങ്ങളെ തിരിച്ചറിയുക
Synopsis
ചുവന്ന രക്താണുവിന്റെ രൂപീകരണത്തെ സഹായിക്കുക, ഉപാപചയ പ്രവർത്തനനിരക്ക് നിയന്ത്രിക്കുക, കേന്ദ്രനാഡീ വ്യവസ്ഥയെ സംരക്ഷിക്കുക എന്നിവയിലെല്ലാം വിറ്റാമിന് ബി12 പ്രധാന പങ്കുവഹിക്കുന്നു. വിറ്റാമിൻ ബി12 കുറവിന്റെ ലക്ഷണങ്ങള് എന്തൊക്കെയാണെന്ന് നോക്കാം.
ചുവന്ന രക്താണുവിന്റെ രൂപീകരണത്തെ സഹായിക്കുക, ഉപാപചയ പ്രവർത്തനനിരക്ക് നിയന്ത്രിക്കുക, കേന്ദ്രനാഡീ വ്യവസ്ഥയെ സംരക്ഷിക്കുക എന്നിവയിലെല്ലാം വിറ്റാമിന് ബി12 പ്രധാന പങ്കുവഹിക്കുന്നു. വിറ്റാമിൻ ബി12 കുറവിന്റെ ലക്ഷണങ്ങള് എന്തൊക്കെയാണെന്ന് നോക്കാം.
1. അമിത ക്ഷീണവും തളര്ച്ചയും
വിറ്റാമിന് ബി12ന്റെ കുറവ് മൂലം ചിലരില് അമിതമായി ക്ഷീണവും തളര്ച്ചയും ഉണ്ടാകാം.
2. കൈ- കാലുകളിലെ മരവിപ്പ്
വിറ്റാമിൻ ബി12 അഭാവം കൈ- കാലുകളിലെ മരവിപ്പിനും കാരണമാകും. അതിനാല് അതും നിസാരമായി കാണേണ്ട.
3. വിഷാദ രോഗം, പെട്ടെന്ന് ദേഷ്യം വരുക
വിഷാദ രോഗം, പെട്ടെന്ന് ദേഷ്യം വരുക, ഓര്മ്മക്കുറവ് എന്നിവയും ചിലപ്പോള് വിറ്റാമിൻ ബി12 കുറവിന്റെ സൂചനയാകാം.
4. വിളറിയ ചര്മ്മം, വായ്പ്പുണ്ണ്
വിളറിയ ചര്മ്മം, ചര്മ്മത്തിലെ മഞ്ഞനിറം, വായ്പ്പുണ്ണ് തുടങ്ങിയവയെല്ലാം ഒരുപക്ഷേ വിറ്റാമിന് ബി12 അഭാവത്തിന്റെ ലക്ഷണങ്ങളാകാം. അതിനാല് ഇവയൊന്നും നിസാരമായി കാണേണ്ട.
5. മനംമറിച്ചിൽ, ഛർദ്ദി
മനംമറിച്ചിൽ, ഛർദ്ദി, വിശപ്പില്ലായ്മ, പെട്ടെന്ന് ഭാരം നഷ്ടമാകൽ തുടങ്ങിയവയും വിറ്റാമിന് ബി12 അഭാവത്തിന്റെ ലക്ഷണങ്ങളാണ്.
6. കാഴ്ച നഷ്ടം, സംസാരിക്കാൻ ബുദ്ധിമുട്ട്
കാഴ്ച നഷ്ടം, സംസാരിക്കാൻ ബുദ്ധിമുട്ട്, പെരുമാറ്റത്തിൽ വ്യതിയാനങ്ങൾ എന്നിവയും ചിലരില് ഇതുമൂലം ഉണ്ടാകാം.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും നിങ്ങളുടെ ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam