ഈ ലക്ഷണങ്ങൾ കണ്ടാൽ അവ​ഗണിക്കരുത്, പ്രോട്ടീന്റെ കുറവിന്റെതാകാം

പ്രോട്ടീൻ കുറവ് രോഗപ്രതിരോധ സംവിധാനത്തെ ബാധിച്ചേക്കാം. തൽഫലമായി, കുറവുള്ള വ്യക്തികൾക്ക് ശരീരത്തിൽ ആവശ്യത്തിന് ആന്റിബോഡികൾ ഇല്ലാത്തതിനാൽ അണുബാധകൾക്കും രോഗങ്ങൾക്കും സാധ്യത കൂടുതലാണ്.

ശരീരത്തിന്റെ വിവിധ പ്രവർത്തനങ്ങൾക്ക് അത്യാവശ്യമായ ഒരു മാക്രോ ന്യൂട്രിയന്റാണ് പ്രോട്ടീൻ. ദഹനം, മെറ്റബോളിസം എന്നിവയുൾപ്പെടെ ശരീരത്തിലെ ജൈവ രാസപ്രവർത്തനങ്ങളെയും ഇത് സുഗമമാക്കുന്നു. ഹോർമോൺ ഉൽപാദനത്തിനും പ്രോട്ടീൻ സഹായകമാണ്., പ്രത്യേകിച്ച് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്ന ഇൻസുലിൻ. ശരീരത്തിൽ പ്രോട്ടീന്റെ കുറവ് ഉണ്ടെങ്കിൽ പ്രകടമാകുന്ന ചില ലക്ഷണങ്ങളെ കുറിച്ചാണ് ഇനി പറയുന്നത്.

ഒന്ന്

കാലുകളിലും വയറിലും വീക്കം ഉണ്ടാകുന്ന ഒരു അവസ്ഥയാണ് എഡീമ. പ്രോട്ടീന്റെ അളവ് കുറയുമ്പോൾ ശരീരം ദ്രാവകം നിലനിർത്തുന്നു, ഇത് ചുറ്റുമുള്ള കലകളിലേക്ക് ദ്രാവകം ഒഴുകുന്നത് തടയുന്നതിൽ പരാജയപ്പെടുന്നു.

രണ്ട്

പ്രോട്ടീൻ കുറവാണെങ്കിൽ പേശികളുടെ പിണ്ഡവും ശക്തിയും നഷ്ടപ്പെടാൻ ഇടയാക്കും. ഇത് ശാരീരിക ജോലികൾ കൂടുതൽ ബുദ്ധിമുട്ടാക്കും. മിതമായ പ്രോട്ടീൻ കുറവ് പോലും പേശി ക്ഷയത്തിന് കാരണമാകും.

മൂന്ന്

പ്രോട്ടീൻ കുറവ് രോഗപ്രതിരോധ സംവിധാനത്തെ ബാധിച്ചേക്കാം. തൽഫലമായി, കുറവുള്ള വ്യക്തികൾക്ക് ശരീരത്തിൽ ആവശ്യത്തിന് ആന്റിബോഡികൾ ഇല്ലാത്തതിനാൽ അണുബാധകൾക്കും രോഗങ്ങൾക്കും സാധ്യത കൂടുതലാണ്.

നാല്

മുടി കൊഴിച്ചിൽ, പൊട്ടുന്ന നഖങ്ങൾ, വരണ്ട ചർമ്മം എന്നിവയ്ക്ക് പ്രോട്ടീൻ ലഭിക്കാത്തതിന്റെ ഫലമായി ഈ കലകൾക്ക് ആരോഗ്യം നിലനിർത്താൻ പ്രോട്ടീൻ ആവശ്യമാണ്.

അഞ്ച്

പ്രോട്ടീൻ കൂടുതൽ നേരം വയറു നിറയ്ക്കാൻ സഹായിക്കും. മൊത്തത്തിലുള്ള കലോറി ഉപഭോഗം കുറയ്ക്കും. ആവശ്യത്തിന് പ്രോട്ടീൻ കഴിക്കാത്തപ്പോൾ നിങ്ങൾക്ക് കൂടുതൽ തവണ ലഘുഭക്ഷണം കഴിക്കേണ്ടി വരാം. പ്രോട്ടീന്റെ കുറവ് രക്തത്തിലെ പഞ്ചസാരയുടെ അളവ് കുറയുന്നതിനും മധുരപലഹാരങ്ങൾ കഴിക്കാനുള്‌ താൽപര്യം കൂട്ടാം.

ആറ്

മുറിവുകളുടെ കേടുപാടുകൾ തീർക്കുന്നതിനും പുനരുജ്ജീവിപ്പിക്കുന്നതിനും ആവശ്യമായ പ്രോട്ടീനുകളുടെ അഭാവം മൂലം മുറിവുകൾ ഉണങ്ങാൻ കൂടുതൽ സമയമെടുത്തേക്കാം.

ഏഴ്

‌പ്രോട്ടീൻ കുറയുന്നത് മുടിയുടെ ഫോളിക്കിളുകൾ ദുർബലമാകാൻ കാരണമാകുന്നു. ഇത് ആത്യന്തികമായി മുടി കൊഴിച്ചിലിലേക്ക് നയിക്കുന്നു.