വായിലെ ക്യാന്സര്; തുടക്കത്തിലെ കാണിക്കുന്ന ഈ ലക്ഷണങ്ങളെ അവഗണിക്കരുതേ...
Synopsis
ഇന്ത്യയില് കണ്ടുവരുന്ന ക്യാന്സറുകളില് മൂന്നാമതാണ് ഓറല് ക്യാന്സര് അഥവാ വായിലെ അര്ബുദം. സ്ഥിരമായി പുകവലിക്കുന്നതും പുകയില ഉത്പ്പന്നങ്ങള് ഉപയോഗിക്കുന്നതും ഓറല് ക്യാന്സറിലേക്ക് നയിക്കാം എന്നാണ് ആരോഗ്യ വിദഗ്ധര് പറയുന്നത്.
തുടക്കത്തില് തന്നെ കണ്ടെത്തിയാല് ഒട്ടുമിക്ക ക്യാന്സര് രോഗങ്ങളെയും തടയാന് കഴിയും. എന്നാല് ക്യാന്സറിന്റെ ലക്ഷണങ്ങളെ കൃത്യസമയത്ത് തിരിച്ചറിയാതെ പോകുന്നതാണ് പലപ്പോഴും രോഗം സങ്കീര്ണമാകുന്നത്. ഓറല് ക്യാന്സര് അഥവാ വായിലെ ക്യാന്സറിന്റെ ലക്ഷണങ്ങളും പലപ്പോഴും തിരിച്ചറിയാതെ പോകാറുണ്ട്.
ഇന്ത്യയില് കണ്ടുവരുന്ന ക്യാന്സറുകളില് മൂന്നാമതാണ് ഓറല് ക്യാന്സര് അഥവാ വായിലെ അര്ബുദം. സ്ഥിരമായി പുകവലിക്കുന്നതും പുകയില ഉത്പ്പന്നങ്ങള് ഉപയോഗിക്കുന്നതും ഓറല് ക്യാന്സറിലേക്ക് നയിക്കാം എന്നാണ് ആരോഗ്യ വിദഗ്ധര് പറയുന്നത്. ചുണ്ടുകള്, അന്നനാളം, ശ്വാസകോശം തുടങ്ങിയ ഭാഗങ്ങളെയും ഇവ മൂലം ക്യാന്സര് ബാധിക്കാം.
പുകയിലയും മദ്യവുമാണ് വായിലെ ക്യാന്സറിന് 90% കാരണമെന്ന് ലോകാരോഗ്യ സംഘടന തന്നെ വ്യക്തമാക്കിയിട്ടുണ്ട്. വായ് വൃത്തിയായി സൂക്ഷിക്കേണ്ടതും അത്യാവശ്യമാണ്. 40 വയസ്സിന് മുകളിലുള്ള പുരുഷന്മാരിലാണ് ഈ ക്യാന്സര് കൂടുതലും കാണപ്പെടുന്നത്. കുടുംബത്തില് ആര്ക്കെങ്കിലും ഓറല് ക്യാന്സര് ഉണ്ടായിട്ടുണ്ടെങ്കില് ഈ രോഗം വരാനുള്ള സാധ്യതയെ തള്ളികളയാനും കഴിയില്ല എന്നും ഡോക്ടര്മാര് പറയുന്നു. ഓറല് ക്യാന്സര് അത്യന്തം അപകടകരമായൊരു ക്യാന്സറാണെന്നാണ് ഡോ. സുബ്ബമണ്യ റാവു (മണിപാല് ഹോസ്പിറ്റല്) പറയുന്നത്.
ലക്ഷണങ്ങള്...
വായിലെ എരിച്ചല് ആണ് ഓറല് ക്യാന്സറിന്റെ പ്രധാന ലക്ഷണമായി ഡോ. സുബ്ബമണ്യ റാവു പറയുന്നത്. ചുണ്ടിലും വായിലും വ്രണങ്ങള് കാണപ്പെടുന്നതാണ് വായിലെ ക്യാന്സറിന്റെ മറ്റൊരു പ്രധാന ലക്ഷണം. ചുണ്ടിനും വായ്ക്കകത്തും അസാധാരണമായ രീതിയില് ചുവന്ന നിറം കാണുന്നുണ്ടെങ്കില്, മോണവീക്കം പോലെ വായ്ക്കകത്തും വീക്കം കാണപ്പെടുന്നുണ്ടെങ്കില് സൂക്ഷിക്കണം. വായില് നിന്നും രക്തം കാണപ്പെടുക, പല്ലുകള് കൊഴിയുക തുടങ്ങിയവയും ലക്ഷണങ്ങളാകാം.
ശ്രദ്ധിക്കുക, മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക. രോഗനിര്ണയം നടത്തിയാല് പെട്ടെന്ന് തന്നെ ചികിത്സിച്ച് മാറ്റാവുന്ന ഒന്നാണ് ഓറൽ ക്യാന്സര്.
Also Read: ഹൈപ്പോതൈറോയ്ഡിസം ഉള്ളവര് ഡയറ്റില് ഉള്പ്പെടുത്തേണ്ട ഭക്ഷണങ്ങള്...