ശരീരത്തില്‍ കാത്സ്യം കുറഞ്ഞാല്‍ ഉണ്ടാകാവുന്ന ചില ആരോ​ഗ്യപ്രശ്നങ്ങൾ

കാത്സ്യത്തിന്റെ അഭാവം കുട്ടികളിലും മുതിർന്നവരിലും നിരവധി ആരോഗ്യപ്രശ്നങ്ങൾക്ക് കാരണമാകും. ക്ഷീണം, ദന്തസംബന്ധമായ പ്രശ്നങ്ങൾ, വരണ്ട ചർമ്മം തുടങ്ങിയവയാണ് കാത്സ്യത്തിന്റെ കുറവിന്റെ ചില പ്രധാന ലക്ഷണങ്ങൾ.  

എല്ലുകളുടെയും പല്ലുകളുടെയും ആരോഗ്യം, നാഡികളുടെ പ്രവർത്തനം, പേശികളുടെ പ്രവർത്തനം, രക്തം കട്ടപിടിക്കൽ എന്നിവയുൾപ്പെടെ നിരവധി ശാരീരിക പ്രവർത്തനങ്ങളിൽ സുപ്രധാന പങ്ക് വഹിക്കുന്ന ഒരു അവശ്യ ധാതുവാണ് കാത്സ്യം. നിങ്ങൾക്ക് ആവശ്യത്തിന് കാത്സ്യം  ലഭിച്ചില്ലെങ്കിൽ പല ആരോ​ഗ്യപ്രശ്നങ്ങളും ഉണ്ടാകാം. 

കാത്സ്യം ശരീരത്തിൽ കുറയുമ്പോൾ സന്ധി വേദന, നാഡീ സംബന്ധമായ രോഗങ്ങൾ, കൈകാലുകളിൽ തളർച്ച, സ്ഥിരമായ നടുവേദന തുടങ്ങിയവ ഉണ്ടാകാം. ശരീരത്തിന് ആവശ്യമായ കാത്സ്യം ഭക്ഷണത്തിലൂടെ ലഭിക്കും. എല്ലുകളുടെയും പല്ലുകളുടെയും ആരോഗ്യം നിലനിർത്തുന്നതിനു പുറമേ രക്തം കട്ടപിടിക്കൽ, ഹൃദയ താളം നിയന്ത്രിക്കൽ, ആരോഗ്യകരമായ നാഡികളുടെ പ്രവർത്തനം തുടങ്ങിയ ശരീര പ്രവർത്തനങ്ങളിൽ കാൽസ്യം ഒരു പ്രധാന പങ്ക് വഹിക്കുന്നു. 

കാത്സ്യത്തിന്റെ അഭാവം കുട്ടികളിലും മുതിർന്നവരിലും നിരവധി ആരോഗ്യപ്രശ്നങ്ങൾക്ക് കാരണമാകും. ക്ഷീണം, ദന്തസംബന്ധമായ പ്രശ്നങ്ങൾ, വരണ്ട ചർമ്മം തുടങ്ങിയവയാണ് കാത്സ്യത്തിന്റെ കുറവിന്റെ ചില പ്രധാന ലക്ഷണങ്ങൾ.

കാത്സ്യത്തിന്റെ കുറവ് ഉണ്ടായാൽ ഉണ്ടാകുന്നത്...

ഒന്ന്...

ഒരു വ്യക്തിയുടെ പല്ലുകൾക്കും എല്ലുകൾക്കും ഗുണം ചെയ്യുന്ന ഒരു പോഷകമാണ് കാത്സ്യം. കാത്സ്യത്തിന്റെ കുറവ് ഒരു വ്യക്തിയുടെ പല്ലിന്റെ ആരോഗ്യത്തെ പ്രതികൂലമായി ബാധിച്ചേക്കാം. പല്ലിന്റെ കുറവ് ദന്തക്ഷയത്തിനും മോണരോഗത്തിനും കാരണമാകും.

രണ്ട്...

കാത്സ്യത്തിന്റെ കുറവ് പേശിവേദനയ്ക്ക് കാരണമാകും. പ്രത്യേകിച്ച് കാലുകളിൽ. കാത്സ്യത്തിന്റെ കുറവ് പേശികളുടെ സങ്കോചത്തിനും മൊത്തത്തിലുള്ള അസ്വസ്ഥതയ്ക്കും കാരണമാകുന്നു. കാരണം ഈ ധാതു പേശികളെ കൂടുതൽ ശക്തമാക്കുന്നതിന് സഹായിക്കുന്നു.

മൂന്ന്...

കുട്ടികളിൽ കാൽസ്യത്തിന്റെ കുറവ് വളർച്ചയെ വൈകിപ്പിക്കും. കാരണം ആരോഗ്യകരമായ അസ്ഥി വളർച്ചയ്ക്ക് കാത്സ്യം ആവശ്യമാണ്. 
എല്ലുകളുടെ വളർച്ചയ്ക്ക് കാത്സ്യം വളരെ പ്രധാനമാണ്. നിങ്ങളുടെ കുട്ടികൾക്ക് മതിയായ അളവിൽ കാൽസ്യം ഉണ്ടെന്ന് ഉറപ്പാക്കുക. കാരണം ഇത് ഉയരം വർദ്ധിപ്പിക്കാൻ സഹായിക്കുന്നു.

നാല്...

ദുർബലവും പൊട്ടുന്നതുമായ നഖങ്ങളും കാത്സ്യത്തിന്റെ കുറവിന്റെ ലക്ഷണമാകാം. നഖങ്ങളുടെ ആരോ​ഗ്യത്തെയും കാത്സ്യത്തിന്റെ കുറവ് കാര്യമായി ബാധിക്കാം.

അഞ്ച്...

കാലക്രമേണ, കാൽസ്യത്തിന്റെ കുറവ് അസ്ഥികൾ ദുർബലമാവുകയും പൊട്ടുകയും ചെയ്യും. ഇത് ഓസ്റ്റിയോപൊറോസിസിലേക്ക് നയിക്കുന്നു. കാൽസ്യത്തിന്റെ ആജീവനാന്ത അഭാവം ഓസ്റ്റിയോപൊറോസിസ് വികസിപ്പിക്കുന്നതിൽ ഒരു പങ്കു വഹിക്കുന്നു. കാൽസ്യത്തിന്റെ കുറവ് അസ്ഥികളുടെ സാന്ദ്രത കുറയുന്നതിനും ഒടിവുകൾ ഉണ്ടാകാനുള്ള സാധ്യത വർദ്ധിപ്പിക്കുന്നതിനും കാരണമാകുന്നു.

ആറ്...

കാത്സ്യത്തിന്റെ കുറവ് വിരലുകൾ, കാൽവിരലുകൾ എന്നിവയിൽ മരവിപ്പിന് കാരണമാകുന്നതായി പഠനങ്ങൾ പറയുന്നു.