ഈ വേനൽചൂടിൽ ചർമ്മത്തെ സംരക്ഷിക്കാൻ ഇതാ ചില ടിപ്സ്

ചർമ്മ പ്രശ്നങ്ങളെ ചികിത്സിക്കുന്നതിനുള്ള ഏറ്റവും മികച്ച ഔഷധസസ്യങ്ങളിലൊന്നാണ് ചന്ദനം. കാരണം ഇത് ചർമ്മത്തെ ശമിപ്പിക്കുകയും ആൻറി ബാക്ടീരിയൽ ഗുണങ്ങളുള്ളതുമാണ്. ചന്ദനപ്പൊടി, വെള്ളം അല്ലെങ്കിൽ റോസ് വാട്ടർ എന്നിവയിൽ മിക്സ് ചെയ്ത് ചർമ്മത്തിൽ പുരട്ടുക.

സംസ്ഥാനത്ത് വേനൽചൂട് ക്രമാതീതമായി ഉയരുകയാണ്. രാവിലെ 11 മണി മുതൽ വൈകുന്നേരം 3 മണി വരെ നേരിട്ടുള്ള വെയിൽ കൊള്ളുന്നത് ഒഴിവാക്കണം. നിർജ്ജലീകരണം സംഭവിക്കാനുള്ള സാധ്യതകളിൽ മുൻകരുതലെടുക്കണം. ഈ വേനൽചൂടയിൽ വിവിധ ചർമ്മ പ്രശ്നങ്ങൾ നിങ്ങളെ അലട്ടാം. ചൊറിച്ചിൽ, തിണർപ്പ് അങ്ങനെ പലതും. ചൂടേറ്റുള്ള ചർമ്മ പ്രശ്നങ്ങൾ മാറാൻ പരീക്ഷിക്കാം ഈ പൊടിക്കെെകൾ...

ചന്ദനം... 

ചർമ്മ പ്രശ്നങ്ങളെ ചികിത്സിക്കുന്നതിനുള്ള ഏറ്റവും മികച്ച ഔഷധസസ്യങ്ങളിലൊന്നാണ് ചന്ദനം. കാരണം ഇത് ചർമ്മത്തെ ശമിപ്പിക്കുകയും ആൻറി ബാക്ടീരിയൽ ഗുണങ്ങളുള്ളതുമാണ്. ചന്ദനപ്പൊടി, വെള്ളം അല്ലെങ്കിൽ റോസ് വാട്ടർ എന്നിവയിൽ മിക്സ് ചെയ്ത് ചർമ്മത്തിൽ പുരട്ടുക.

കറ്റാർവാഴ...

കറ്റാർവാഴ ആൻറി-ഇൻഫ്ലമേറ്ററി, ആന്റിമൈക്രോബയൽ ഗുണങ്ങൾക്ക് പേരുകേട്ട ഒരു ആയുർവേദ സസ്യമാണ്. ഇത് ചുണങ്ങിന്റെ ലക്ഷണങ്ങൾ കുറയ്ക്കാൻ സഹായിക്കും. 

മുൾട്ടാണി മിട്ടി...

മുൾട്ടാണി മിട്ടിയിൽ ആൻറി-ഇൻഫ്ലമേറ്ററി ഗുണങ്ങളുണ്ട്. ഇത് ചൂട് ചുണങ്ങു കുറയ്ക്കാൻ സഹായിക്കുന്നു. 
മുൾട്ടാണി മിട്ടി റോസ് വാട്ടർ ചേർത്ത് ചർമ്മത്തിലിടുക. ചർമ്മ പ്രശ്നങ്ങൾ അകറ്റുന്നതിന് സഹായകമാണ്.

വെള്ളരിക്ക...

വെള്ളരിക്കയിൽ ഫ്ലേവനോയ്ഡുകളും ടാന്നിനുകളും അടങ്ങിയിട്ടുണ്ട്. ഇത് ചുണങ്ങു ഒഴിവാക്കാൻ സഹായിക്കുന്നു. വെള്ളരിക്ക പേസ്റ്റും തേനും റോസ് വാട്ടറും ചേർത്ത് കട്ടിയുള്ള പേസ്റ്റ് ഉണ്ടാക്കുക. 30 മിനിറ്റ് നേരം ചർമ്മത്തിൽ പുരട്ടുക.

തുളസി...

തുളസിയിലെ സംയുക്തങ്ങൾ ചർമ്മത്തെ ഉള്ളിൽ നിന്ന് ശുദ്ധീകരിക്കാൻ സഹായിക്കുന്നു. എണ്ണമയമുള്ള ചർമ്മമുള്ളവർക്ക് ഇത് ഒരു മികച്ച ക്ലെൻസറാണ്. ഇതിലെ ആൻറി ബാക്ടീരിയൽ, ആന്റിഫംഗൽ ഗുണങ്ങൾ മുഖക്കുരു, ചർമ്മത്തിലെ പ്രകോപനം എന്നിവയ്‌ക്കെതിരെ സ്വാഭാവികമായും പോരാടുന്നു. മുഖക്കുരു പാടുകളും കറുത്ത പാടുകളും കുറയ്ക്കാൻ സഹായിക്കുന്ന അവശ്യ വിറ്റാമിനുകളും ഇതിൽ അടങ്ങിയിട്ടുണ്ട്.