ഈ നാല് പച്ചക്കറികൾ കഴിക്കേണ്ടത് തൊലിയോടുകൂടി, ഏതൊക്കെയാണെന്നല്ലേ...?

സാലഡിൽ സാധാരണയായി ഉപയോഗിക്കുന്ന പച്ചക്കറിയാണ് വെള്ളരിക്ക. ഇത് തൊലിയോടുകൂടി കഴിക്കുന്നത് ഏറെ നല്ലതാണ്. വെള്ളരിയുടെ തൊലിയിൽ വിറ്റാമിനുകളും ഫൈബറും ധാരാളമായി അടങ്ങിയിട്ടുണ്ട്. സാലഡ് ഉണ്ടാക്കുമ്പോൾ വെള്ളരി തൊലി കളയാതെ തന്നെ ഉപയോഗിക്കാൻ ശ്രമിക്കുക.  

മിക്ക പച്ചക്കറികളും നാം തൊലി കളഞ്ഞാണ് ഉപയോ​ഗിക്കാറുള്ളത്. പച്ചക്കറികളുടെ തൊലിയിൽ ധാരാളം ​ഗുണങ്ങൾ അടങ്ങിയിട്ടുണ്ടെന്ന കാര്യം പലർക്കും അറിയില്ല. കാരണം, പച്ചക്കറികളുടെ തൊലിയിൽ പലപ്പോഴും ആന്റിഓക്‌സിഡന്റുകൾ, നാരുകൾ, മറ്റ് അവശ്യ പോഷകങ്ങൾ എന്നിവ ധാരാളം അടങ്ങിയിട്ടുണ്ട്. 
തൊലികളയാൻ പാടില്ലാത്ത ചില പച്ചക്കറികളെ കുറിച്ച് മദർഹുഡ് ഹോസ്പിറ്റലിലെ കൺസൾട്ടന്റ് ഡയറ്റീഷ്യൻ ദിവ്യ ഗോപാൽ പറയുന്നു.

ഉരുളക്കിഴങ്ങ്...

മിക്കപ്പോഴും ഉരുളക്കിഴങ്ങ് മാർക്കറ്റിൽ നിന്ന് വാങ്ങുമ്പോൾ അവയിൽ അഴുക്കും പൊടിയും പറ്റിയിരിക്കുന്നതായി കാണാമല്ലേ? എന്നാലിത് നന്നായി വൃത്തിയാക്കിയെടുത്താൻ ഉരുളക്കിഴങ്ങിന്റെ തൊലി ഏറെ ഗുണപ്രദമാണ്. ഉരുളക്കിഴങ്ങിന്റെ തൊലി ഫൈബറിനാൽ സമ്പന്നമാണ്. നാരുകൾ, വിറ്റാമിനുകൾ, ധാതുക്കൾ എന്നിവയുടെ സമ്പന്നമായ ഉറവിടമാണ്. അവയിൽ മാംസത്തേക്കാൾ കൂടുതൽ പൊട്ടാസ്യം അടങ്ങിയിട്ടുണ്ട്. ഇത് ഹൃദയാരോഗ്യത്തിനും പേശികളുടെ പ്രവർത്തനത്തിനും ആവശ്യമാണ്. ഉരുളക്കിഴങ്ങിന്റെ തൊലിയിൽ ഇരുമ്പ് അടങ്ങിയിട്ടുണ്ട്. ഇത് ചുവന്ന രക്താണുക്കളുടെ പ്രവർത്തനത്തിന് സഹായിക്കുന്നു.

വെള്ളരിക്ക...

സാലഡിൽ സാധാരണയായി ഉപയോഗിക്കുന്ന പച്ചക്കറിയാണ് വെള്ളരിക്ക. ഇത് തൊലിയോടുകൂടി കഴിക്കുന്നത് ഏറെ നല്ലതാണ്. വെള്ളരിയുടെ തൊലിയിൽ വിറ്റാമിനുകളും ഫൈബറും ധാരാളമായി അടങ്ങിയിട്ടുണ്ട്. സാലഡ് ഉണ്ടാക്കുമ്പോൾ വെള്ളരി തൊലി കളയാതെ തന്നെ ഉപയോഗിക്കാൻ ശ്രമിക്കുക.

വഴുതനങ്ങ...

മസ്തിഷ്ക കോശങ്ങളെ ഓക്സിഡേറ്റീവ് സമ്മർദ്ദത്തിൽ നിന്ന് സംരക്ഷിക്കാൻ സഹായിക്കുന്ന നാസുനിൻ എന്ന ശക്തമായ ആന്റിഓക്‌സിഡന്റിന്റെ സമ്പന്നമായ ഉറവിടമാണ് വഴുതനങ്ങയുടെ തൊലി. ഇത് ദഹനത്തെ സഹായിക്കുകയും വിശപ്പ് കുറയ്ക്കുന്നതിന് സഹായിക്കുകയും ചെയ്യുന്നു.

കാരറ്റ്...

കാരറ്റിന്റെ തൊലി  സുരക്ഷിതമാണ്. ആന്റിഓക്‌സിഡന്റുകൾ, വിറ്റാമിൻ സി, ബി 3, ഡയറ്ററി ഫൈബർ, ഫൈറ്റോ ന്യൂട്രിയന്റുകൾ എന്നിവയുൾപ്പെടെ നിരവധി പോഷകങ്ങൾ കാരറ്റിൽ അടങ്ങിയിട്ടുണ്ട്.. ഈ പോഷകങ്ങൾ പ്രതിരോധശേഷി വർദ്ധിപ്പിക്കുന്നതിനും ആരോഗ്യകരമായ ചർമ്മവും കാഴ്ചശക്തിയും നിലനിർത്തുന്നതിനും പ്രധാവ പങ്കാണ് വഹിക്കുന്നത്. കാരറ്റിന് ഓറഞ്ച് നിറം നൽകുന്ന ബീറ്റാ കരോട്ടിൻ ഉള്ളടക്കം മെച്ചപ്പെട്ട ദഹനത്തിനും മൊത്തത്തിലുള്ള ആരോ​ഗ്യത്തിനും സഹായിക്കുന്നു.