Health Tips : ഈ ഭക്ഷണങ്ങൾ കഴിച്ചോളൂ, ചർമ്മത്തെ സുന്ദരമാക്കാം

ഗ്രീൻ ടീയിൽ വിറ്റാമിൻ ഇ അടങ്ങിയിട്ടുണ്ട്. ഇത് ചർമ്മത്തെ പോഷിപ്പിക്കാനും ജലാംശം നിലനിർത്താനും സഹായകമാണ്. ഇത് ചർമ്മത്തെ മോയ്സ്ചറൈസ് ചെയ്യുക മാത്രമല്ല തിളക്കം നൽകുകയും ചെയ്യുന്നു. ​ഗ്രീൻ ടീ പതിവായി കഴിക്കുന്നത് കറുത്ത പാടുകൾ, മുഖക്കുരു, മറ്റ് ചർമ്മ പ്രശ്നങ്ങൾ എന്നിവ ഇല്ലാതാക്കാനും സഹായിക്കുന്നു.  

 ചർമ്മസംരക്ഷണത്തിന് ഭക്ഷണങ്ങൾ വഹിക്കുന്ന പങ്ക് വളരെ വലുതാണ്. ആരോ​ഗ്യകരമായ ഭക്ഷണക്രമം പിന്തുടരുന്നത് ചർമ്മത്തിന്റെ ആരോ​ഗ്യത്തിന് ​ഗുണം ചെയ്യും. പോഷക​ഗുണമുള്ള ഭക്ഷണങ്ങൾ കഴിക്കുന്നത്  ചർമ്മത്തിന്റെ തിളക്കവും ആരോഗ്യവും നിലനിർത്താൻ സഹായകമാണ്. ആരോ​ഗ്യമുള്ള ചർമ്മത്തിനായി കഴിക്കേണ്ട ചില ഭക്ഷണങ്ങളെ കുറിച്ചാണ് താഴേ പറയുന്നത്...

​ഗ്രീൻ ടീ...

ഗ്രീൻ ടീയിൽ വിറ്റാമിൻ ഇ അടങ്ങിയിട്ടുണ്ട്. ഇത് ചർമ്മത്തെ പോഷിപ്പിക്കാനും ജലാംശം നിലനിർത്താനും സഹായകമാണ്. ഇത് ചർമ്മത്തെ മോയ്സ്ചറൈസ് ചെയ്യുക മാത്രമല്ല തിളക്കം നൽകുകയും ചെയ്യുന്നു. ​ഗ്രീൻ ടീ പതിവായി കഴിക്കുന്നത് കറുത്ത പാടുകൾ, മുഖക്കുരു, മറ്റ് ചർമ്മ പ്രശ്നങ്ങൾ എന്നിവ ഇല്ലാതാക്കാനും സഹായിക്കുന്നു.

ഇലക്കറികൾ...

ഇലക്കറി ഡയറ്റിൽ നിർബന്ധമായും ഉൾപ്പെടുത്തുക. ഇലക്കറികളിൽ ബീറ്റാ കരോട്ടിൻ ധാരാളം അടങ്ങിയിട്ടുണ്ട്. ഇത് ചർമ്മത്തെ ആരോ​ഗ്യമുള്ളതാക്കാൻ സഹായിക്കുന്നു. കാരണം ആന്റി ഓക്‌സിഡന്റുകൾ ധാരാളം അടങ്ങിയവയാണ് ഇലക്കറികൾ. 

ഫ്ളാക്സ് സീഡ്...

വളരെയേറെ ഗുണങ്ങളുള്ള ഒന്നാണ് ഫ്ളാക്സ്. ഫ്ളാക്സ് സീഡിന് കൊളാജന്റെ ഉൽപാദനത്തെ ഉത്തേജിപ്പിക്കാൻ കഴിയും. ഒമേഗ 3 ഫാറ്റി ആസിഡ് അടങ്ങിയ ഇവ ചർമ്മത്തിന്റെ തിളക്കവും ആരോഗ്യവും നൽകും.

ഓറഞ്ച്... 

ഓറഞ്ച് പതിവായി ഡയറ്റിൽ ഉൾപ്പെടുത്താൻ ശ്രമിക്കാം. കറുത്ത പാടുകൾ, മുഖക്കുരു പാടുകൾ എന്നിവ അകറ്റും. 
ഇതിലെ അസിഡിറ്റി ഗുണങ്ങൾ അധിക സെബത്തെയും നിയന്ത്രിക്കുന്നു. വൈറ്റമിൻ സി ധാരാളമായി അടങ്ങിയിരിക്കുന്ന ഓറഞ്ച് കറുത്ത പാടുകൾ കുറയ്ക്കാനും പെട്ടെന്ന് മങ്ങാനും സഹായിക്കും.

ഓട്സ്...

അവശ്യ പോഷകങ്ങൾ നിറഞ്ഞതാണ് ഓട്സ്. നാരുകൾ, ഇരുമ്പ്, വിറ്റാമിനുകൾ, പ്രത്യേകിച്ച് ബി വിറ്റാമിനുകൾ, മാംഗനീസ്, ഫോസ്ഫറസ്, മഗ്നീഷ്യം തുടങ്ങിയ ധാതുക്കൾ, ആന്റിഓക്‌സിഡന്റുകൾ എന്നിവ ഓട്സിൽ അടങ്ങിയിരിക്കുന്നു. ദിവസവും ഓട്സ് കഴിക്കുന്നത് ചർമ്മ പ്രശ്നങ്ങൾ അകറ്റുന്നതിന് സഹായകമാണ്.