എന്താണ് അരിവാള് രോഗം; അറിയാം ലക്ഷണങ്ങള്...
Synopsis
ജനിതക കാരണങ്ങളാൽ ചുവന്ന രക്തകോശങ്ങൾക്കുണ്ടാകുന്ന അസാധാരണ രൂപമാറ്റത്താൽ സംഭവിക്കുന്ന രോഗമാണ് അരിവാൾ രോഗം അഥവാ അരിവാൾ കോശ വിളർച്ച (Sickle-cell disease).
ജനിതക കാരണങ്ങളാൽ ചുവന്ന രക്തകോശങ്ങൾക്കുണ്ടാകുന്ന അസാധാരണ രൂപമാറ്റത്താൽ സംഭവിക്കുന്ന രോഗമാണ് അരിവാൾ രോഗം അഥവാ അരിവാൾ കോശ വിളർച്ച (Sickle-cell disease). മലമ്പനി ഉണ്ടാകുന്ന ഉഷ്ണ, ഉപോഷ്ണ മേഖലകളിൽ ഈ രോഗം കണ്ടുവരുന്നു. ഗുരുതരമായ ഈ രോഗാവസ്ഥ നാല് മാസം പ്രായമുള്ള കുഞ്ഞുങ്ങള് മുതല് മുതിര്ന്നവര് വരെയുള്ളവരില് വരാം എന്നാണ് യുഎന് കണക്കുകള് സൂചിപ്പിക്കുന്നത്.
ആഫ്രിക്ക, കരീബിയ, ഏഷ്യ എന്നിവിടങ്ങളിലാണ് ഈ അസുഖം അധികവും റിപ്പോര്ട്ട് ചെയ്തിട്ടുള്ളത്. കേരളത്തില് വയനാട്ടിലും, അട്ടപ്പാടിയിലും രോഗം റിപ്പോര്ട്ട് ചെയ്തിട്ടുണ്ട്. ഈ രോഗം ചുവന്ന രക്താണുക്കളെയാണ് ബാധിക്കുന്നത്. രക്താണുക്കള് സാധാരണക്കാരില് 120 ദിവസം ജീവിക്കുമ്പോള് ഇവരില് 30 മുതല് 60 ദിവസങ്ങള് മാത്രമായിരിക്കും ജീവിക്കുക. ഈ പ്രശ്നം ഇവരെ വിളര്ച്ചയിലേക്ക് (aneamia) നയിക്കും.
ലക്ഷണങ്ങള്...
ശ്വാസം മുട്ടല്, കൈ കാലുകളില് വേദന, പനി, വയറുവേദന എന്നിവ ഈ രോഗികളില് അനുഭവപ്പെടും. ബില് റൂബിന് കൂടുതലായി രക്തത്തില് കാണപ്പെടുന്നതിനാല് കണ്ണുകളില് മഞ്ഞനിറം കാണപ്പെടും. എന്നാല് ഇത് മഞ്ഞപ്പിത്തത്തില് ഉള്പ്പെടുന്നതല്ല. അരിവാള് രോഗികളില് ശാരീരിക വളര്ച്ചയില്ലായ്മയും ക്ഷീണവും സ്ട്രോക്കും ശ്വാസകോശ പ്രശ്നങ്ങളും കണ്ടേക്കാം.
മേല്പ്പറഞ്ഞ ലക്ഷണങ്ങള് ഉള്ളവര് രോഗം പിടിപെട്ടതായി കണക്കാക്കേണ്ടതില്ല. എന്നാല് ഈ ലക്ഷണങ്ങളുള്ളവര് വൈദ്യസഹായം തേടുകയും ആവശ്യമായ പരിശോധനകള് നടത്താനും തയ്യാറാകണം.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam