Health Tips: വിറ്റാമിന് ഡിയുടെ കുറവുണ്ടോ? കഴിക്കാം ഈ ഭക്ഷണങ്ങള്...
Synopsis
വിറ്റാമിന് ഡിയുടെ കുറവ് പല ആരോഗ്യപ്രശ്നങ്ങളും സൃഷ്ടിക്കാം. ക്ഷീണം, തളര്ച്ച, എല്ലുകളില് വേദന, പേശികള്ക്ക് ബലക്ഷയം, പേശി വേദന, നടുവേദ, ഉത്കണ്ഠ, വിഷാദം, ഭാരം കൂടുക, മുടി കൊഴിച്ചില് തുടങ്ങിയവയാണ് വിറ്റാമിന് ഡി കുറഞ്ഞാലുള്ള ലക്ഷണങ്ങള്.
നമ്മുടെ ശരീരത്തിന് ഏറെ ആവശ്യമായ ഒന്നാണ് വിറ്റാമിന് ഡി. എല്ലുകളുടെയും പല്ലുകളുടെയും വളര്ച്ചയ്ക്ക് സഹായിക്കുന്ന കാത്സ്യത്തെ നമ്മുടെ ശരീരത്തിലേയ്ക്ക് ആഗിരണം ചെയ്യാന് വിറ്റാമിന് ഡി സഹായിക്കുന്നു. ശരീരത്തിന് പ്രതിരോധശേഷി വര്ധിപ്പിക്കാന് സഹായിക്കുന്ന ഒന്നുകൂടിയാണ് വിറ്റാമിന് ഡി. ഹൃദയാരോഗ്യം മെച്ചപ്പെടുത്താനും വിറ്റാമിന് ഡി ആവശ്യമാണ്.
വിറ്റാമിന് ഡിയുടെ കുറവ് പല ആരോഗ്യപ്രശ്നങ്ങളും സൃഷ്ടിക്കാം. ക്ഷീണം, തളര്ച്ച, എല്ലുകളില് വേദന, പേശികള്ക്ക് ബലക്ഷയം, പേശി വേദന, നടുവേദ, ഉത്കണ്ഠ, വിഷാദം, ഭാരം കൂടുക, മുടി കൊഴിച്ചില് തുടങ്ങിയവയാണ് വിറ്റാമിന് ഡി കുറഞ്ഞാലുള്ള ലക്ഷണങ്ങള്. ദീര്ഘകാലം ഇതേ അവസ്ഥ തുടര്ന്നാല് ഹൃദയസംബന്ധമായ അസുഖങ്ങള്ക്ക് വരെ ഇത് കാരണമാകും.
മറ്റ് വിറ്റാമിനുകളെ പോലെ ഭക്ഷണം മാത്രമല്ല വിറ്റാമിന് ഡി യുടെ സ്രോതസ്സ്. സൂര്യപ്രകാശത്തില് നിന്നും ഇവ കിട്ടും. നമ്മുടെ ജീവിതരീതികളിലെ മാറ്റങ്ങളും നല്ല ഭക്ഷണശീലങ്ങളും വിറ്റാമിന് ഡി ലഭിക്കാന് സഹായകമാകും. വിറ്റാമിന് ഡി കിട്ടുന്ന ഭക്ഷണങ്ങള് ഏതൊക്കെയാണെന്ന് നോക്കാം...
ഒന്ന്...
പാല്, തൈര്, ബട്ടര്, ചീസ് തുടങ്ങിയ പാല് ഉല്പന്നങ്ങളില് നിന്നും ശരീരത്തിന് ആവശ്യമായ വിറ്റാമിന് ഡി ലഭിക്കും.
രണ്ട്...
കൂണ് അഥവ മഷ്റൂം ആണ് രണ്ടാമതായി ഈ പട്ടികയില് ഉള്പ്പെടുന്നത്. വിറ്റാമിൻ ഡിയുടെ നല്ല ഉറവിടമായി കണക്കാക്കപ്പെടുന്ന ഭക്ഷണമാണ് കൂണ്. കൊഴുപ്പ് കുറഞ്ഞതും എന്നാല് പോഷകങ്ങള് ധാരാളമുള്ളതുമാണ് ഇവ. കൂണ് ആഴ്ചയില് രണ്ട് ദിവസം വരെയൊക്കെ ഡയറ്റില് ഉള്പ്പെടുത്തുന്നത് നല്ലതാണ്.
മൂന്ന്...
ഓറഞ്ച് ജ്യൂസ് ആണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിൻ ഡിയുടെ നല്ല ഉറവിടമാണ് ഓറഞ്ച് ജ്യൂസ്. അതിനാല് ഓറഞ്ച് ജ്യൂസ് ദിവസവും കുടിക്കുന്നത് നല്ലതാണ്. വിറ്റാമിന് സിയും അടങ്ങിയ ഇവ പ്രതിരോധശേഷി വര്ധിപ്പിക്കാനും സഹായിക്കും.
നാല്...
മുട്ടയാണ് നാലാമന്. മുട്ടയില് നിന്നും മറ്റ് വിറ്റാമിനുകളോടൊപ്പം വിറ്റാമിന് ഡിയും ലഭിക്കും. മുട്ടയുടെ മഞ്ഞയില് നിന്നുമാണ് ഇവ ലഭിക്കുന്നത്. അതിനാല് ദിവസവും രാവിലെ ഒരു മുട്ട കഴിക്കുന്നത് നല്ലതാണ്. മുട്ട ശരീരത്തിന്റെ മൊത്തം ആരോഗ്യത്തിനും നല്ലതാണ്.
അഞ്ച്...
ധാന്യങ്ങളും പയർ വർഗങ്ങളും കഴിക്കുന്നതും വിറ്റാമിന് ഡി ലഭിക്കാന് സഹായിക്കും. അതിനാല് ഗോതമ്പ്, റാഗ്ഗി, ഓട്സ് എന്നിവ ഡയറ്റില് ഉള്പ്പെടുത്തുന്നത് നല്ലതാണ്.
ആറ്...
മഗ്നീഷ്യം ധാരാളം അടങ്ങിയ ഏത്തപ്പഴം വിറ്റാമിന് ഡിയുടെ പ്രവര്ത്തനത്തെ ഉത്തേജിപ്പിക്കും.
ഏഴ്...
'സാൽമൺ' മത്സ്യം ആണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിൻ ഡിയുടെ ഉറവിടമാണ് 'സാൽമൺ' മത്സ്യം. അതിനാല് ഇവ കഴിക്കുന്നത് വിറ്റാമിന് ഡിയുടെ കുറവ് പരിഹരിക്കാന് സഹായിക്കും.
എട്ട്...
റെഡ് മീറ്റാണ് അവസാനമായി ഈ പട്ടികയില് ഉള്പ്പെടുന്നത്. വിറ്റാമിന് ഡി അടങ്ങിയിട്ടുണ്ടെങ്കിലും മിതമായ അളവില് മാത്രം ഇവ കഴിക്കുക.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. അതുപോലെ നിങ്ങളുടെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുന്നതാവും നിങ്ങളുടെ ആരോഗ്യത്തിന് നല്ലത്.
Also Read: വിറ്റാമിൻ ബി 12ന്റെ കുറവ്; അറിയാം ലക്ഷണങ്ങളും കഴിക്കേണ്ട ഭക്ഷണങ്ങളും...