വൃക്കകളെ പൊന്നു പോലെ കാക്കാന് ശ്രദ്ധിക്കേണ്ട എട്ട് കാര്യങ്ങള്...
Synopsis
പ്രമേഹം, ഉയര്ന്ന രക്തസമ്മര്ദ്ദം തുടങ്ങിയ രോഗങ്ങള് ചിലപ്പോഴൊക്കെ വൃക്കയുടെ പ്രവര്ത്തനത്തെയും ബാധിക്കാം. മൂത്രത്തിലോ വൃക്കയിലോ കല്ലുണ്ടാകുന്നതും വൃക്കയുടെ പ്രവര്ത്തനത്തെ ബാധിക്കാം.
മാറിവരുന്ന ജീവിതശൈലിക്കനുസരിച്ച് നമ്മുടെ ആരോഗ്യ സംരക്ഷണത്തിലും അതീവ ജാഗ്രത പുലര്ത്തേണ്ടിയിരിക്കുന്നു. മനുഷ്യ ശരീരത്തിലെ മാലിന്യത്തെ പുറന്തള്ളുന്ന അവയവമാണ് വൃക്ക. പല കാരണങ്ങള് കൊണ്ടും വൃക്കകളുടെ ആരോഗ്യം മോശമാകാം.
പ്രമേഹം, ഉയര്ന്ന രക്തസമ്മര്ദ്ദം തുടങ്ങിയ രോഗങ്ങള് ചിലപ്പോഴൊക്കെ വൃക്കയുടെ പ്രവര്ത്തനത്തെയും ബാധിക്കാം. മൂത്രത്തിലോ വൃക്കയിലോ കല്ലുണ്ടാകുന്നതും വൃക്കയുടെ പ്രവര്ത്തനത്തെ ബാധിക്കാം. വൃക്കയുടെ ആരോഗ്യം സംരക്ഷിക്കാന് ശ്രദ്ധിക്കേണ്ട കാര്യങ്ങള് എന്തൊക്കെയാണെന്ന് നോക്കാം.
ഒന്ന്...
വേദനസംഹാരികളുടെ അമിത ഉപയോഗം പലപ്പോഴും വൃക്കകളുടെ ആരോഗ്യത്തെ മോശമായി ബാധിക്കാം. അതിനാല് ഇക്കാര്യം പ്രത്യേകം ശ്രദ്ധിക്കുക. വേദനസംഹാരികള് ഡോക്ടറുടെ നിര്ദ്ദേശ പ്രകാരം മാത്രം കഴിക്കുക.
രണ്ട്...
ഉയർന്ന പഞ്ചസാര അടങ്ങിയ ഭക്ഷണം കഴിക്കുന്നത് അമിതവണ്ണത്തിന് ഇടയാക്കുകയും പ്രമേഹത്തിനും ഉയർന്ന രക്തസമ്മർദ്ദത്തിനുമുള്ള സാധ്യത വർദ്ധിപ്പിക്കുകയും ചെയ്യുന്നു. ഈ രണ്ട് രോഗങ്ങളും വൃക്കകളുടെ ആരോഗ്യത്തെ ചിലപ്പോള് ബാധിക്കാം.
മൂന്ന്...
ഉപ്പിന്റെ അമിത ഉപയോഗം വൃക്കയില് കല്ലുണ്ടാകാനുള്ള സാധ്യത കൂട്ടും. അതുപോലെ ഉപ്പ് കൂടുതലുള്ള ഭക്ഷണക്രമം രക്തസമ്മർദ്ദം ഉയർത്താൻ കാരണമാകും. അതിനാല് ഭക്ഷണത്തില് ഉപ്പിന്റെ അളവ് കുറയ്ക്കുക.
നാല്...
ആരോഗ്യകരമായ ഭക്ഷണശീലം തെരഞ്ഞെടുക്കാം. കോളകൾ ഉൾപ്പെടെ കൃത്രിമശീതള പാനീയങ്ങൾ കഴിയുന്നതും ഒഴിവാക്കുക. മധുരം ധാരാളം അടങ്ങിയ ഭക്ഷണങ്ങളും ഡയറ്റില് നിന്നും ഒഴിവാക്കുക. സസ്യാഹാരങ്ങള് കൂടുതലായി ഡയറ്റില് ഉള്പ്പെടുത്താം. കാത്സ്യം ധാരാളം അടങ്ങിയ ഭക്ഷണങ്ങളും ഡയറ്റില് ഉള്പ്പെടുത്തുന്നത് വൃക്കയിലെ കല്ല് വരാതിരിക്കാന് സഹായിക്കും.
അഞ്ച്...
വെള്ളം കുടിക്കുന്നത് കിഡ്നി സ്റ്റോൺ വരാനുള്ള സാധ്യതയെ കുറയ്ക്കുന്നു. ആരോഗ്യമുള്ള ഒരാൾ ഒരു ദിവസം 1 2 ഗ്ലാസ് വെള്ളം കുടിക്കണമെന്ന് ഡോക്ടർമാർ പറയുന്നു.
ആറ്...
പുകവലിയും വ്യക്കകളുടെ ആരോഗ്യത്തെ മോശമായി ബാധിക്കാം. പുകവലി ശരീരത്തിലെ രക്തക്കുഴലുകളെ നശിപ്പിക്കുന്നു. ഇത് മന്ദഗതിയിലുള്ള രക്തയോട്ടത്തിലേക്കും അതിലൂടെ വൃക്കകളുടെ തകരാറിലേക്കും നയിക്കുന്നു.
ഏഴ്...
വ്യായാമം ശരീരത്തിന്റെ മൊത്തം ആരോഗ്യത്തിനും നല്ലതാണ്. വ്യായാമം ചെയ്യുന്നത് വൃക്കകളുടെ ആരോഗ്യത്തിന് ഏറേ ഗുണം ചെയ്യും.
എട്ട്...
40 വയസിന് മുകളിലുള്ളവര് വര്ഷത്തിലൊരിക്കല് വൃക്കയുടെ പരിശോധന നടത്തിയിരിക്കണം.
Also Read: മഞ്ഞുകാലത്ത് വണ്ണം കുറയ്ക്കാന് ഡയറ്റില് ഉള്പ്പെടുത്താം ഈ ഭക്ഷണങ്ങള്...