പിസിഒഎസ് പ്രതിമാസ അണ്ഡോത്പാദനത്തിന്റെ അഭാവവും ആൻഡ്രോജന്റെ വർദ്ധിച്ച അളവും കാരണം ക്രമരഹിതമായ ആർത്തവചക്രത്തിന് കാരണമാകുന്ന ഒരു അവസ്ഥയാണ്. പിസിഒഎസ് ഉള്ള സ്ത്രീകളിൽ പ്രമേഹം പിടിപെടാനുള്ള സാധ്യത ഏറെയാണ്.
ഇന്ന് മിക്ക സ്ത്രീകളെയും അലട്ടുന്ന ആരോഗ്യപ്രശ്നമാണ് പോളിസിസ്റ്റിക് ഓവറി സിൻഡ്രോം (PCOS). നിലവിൽ 20 ശതമാനം ഇന്ത്യൻ സ്ത്രീകൾ പിസിഒഎസ് പ്രശ്നം നേരിടുന്നതായി റിപ്പോർട്ടുകൾ ചൂണ്ടിക്കാട്ടുന്നു. ഈ അവസ്ഥ പ്രത്യുത്പാദന ശേഷിയെയും ബാധിക്കുന്നു.
പിസിഒഎസ് പ്രതിമാസ അണ്ഡോത്പാദനത്തിന്റെ അഭാവവും ആൻഡ്രോജന്റെ വർദ്ധിച്ച അളവും കാരണം ക്രമരഹിതമായ ആർത്തവചക്രത്തിന് കാരണമാകുന്ന ഒരു അവസ്ഥയാണ്. പിസിഒഎസ് ഉള്ള സ്ത്രീകളിൽ പ്രമേഹം പിടിപെടാനുള്ള സാധ്യത ഏറെയാണ്.
പിസിഒഎസുമായി ബന്ധപ്പെട്ട ഹോർമോൺ തകരാറുകൾ, ഇൻസുലിൻ പ്രതിരോധം, വീക്കം എന്നിവയുള്ള സ്ത്രീകൾക്ക് ശരീരഭാരം കുറയ്ക്കാൻ ഏറെ ബുദ്ധിമുട്ടാണ്. പിസിഒഎസ് പ്രശ്നമുള്ള സ്ത്രീകൾ ഭാരം കുറയ്ക്കാൻ ആഗ്രഹിക്കുന്നുവെങ്കിൽ ചില കാര്യങ്ങൾ ശ്രദ്ധിക്കേണ്ടതുണ്ടെന്നാണ് പോഷകാഹാര വിദഗ്ധനും ലൈഫ്സ്റ്റൈൽ കൺസൾട്ടന്റുമായ ഡോ. പാലക് ചതുർവേദി പറയുന്നത്...
ഒന്ന്...
നാരുകൾ അടങ്ങിയ ഭക്ഷണങ്ങൾ രക്തത്തിലെ പഞ്ചസാരയുടെ അളവ് നിയന്ത്രിക്കാനും വീക്കം കുറയ്ക്കാനും കുടലിന്റെ ആരോഗ്യം മെച്ചപ്പെടുത്താനും സഹായിക്കുന്നു. നാരുകൾ അടങ്ങിയ ഭക്ഷണങ്ങളിൽ ധാന്യങ്ങൾ, പയർവർഗ്ഗങ്ങൾ, പയർ, വിത്തുകൾ, പഴങ്ങൾ, പച്ചക്കറികൾ എന്നിവ ഉൾപ്പെടുന്നു. ഉയർന്ന ഫൈബർ ഭക്ഷണക്രമം പിസിഒഎസ് ഉള്ള സ്ത്രീകളെ ശരീരഭാരം നിയന്ത്രിക്കാൻ സഹായിച്ചേക്കാം. ഉയർന്ന നാരുകളുള്ള ഭക്ഷണക്രമം പിസിഒഎസ് ഉള്ളവരിൽ ഇൻസുലിൻ പ്രതിരോധം, ശരീരഭാരം, അധിക കൊഴുപ്പ് എന്നിവ കുറയ്ക്കാൻ സഹായിക്കുമെന്ന് അറിയപ്പെടുന്നു.
രണ്ട്...
പ്രോട്ടീൻ രക്തത്തിലെ പഞ്ചസാരയുടെ അളവ് നിയന്ത്രിക്കുകയും വിശപ്പ് കുറയ്ക്കാനും സഹായിക്കുന്നു. മാത്രമല്ല, കലോറി എരിയുന്നത് വർദ്ധിപ്പിക്കുക, വിശപ്പ് ഹോർമോണുകളെ നിയന്ത്രിക്കുക എന്നിവയിലൂടെ ശരീരഭാരം കുറയ്ക്കാനും ഇത് സഹായിക്കുന്നു. വർദ്ധിച്ച പ്രോട്ടീൻ ഉപഭോഗം ശരീരഭാരം കുറയ്ക്കാൻ സഹായിക്കുന്നു. പ്രത്യേകിച്ച് PCOS സ്ത്രീകളിൽ. മുട്ട, ബദാം, സീഫുഡ് തുടങ്ങിയ പോഷകഗുണമുള്ളതും ഉയർന്ന പ്രോട്ടീനുള്ളതുമായ ഭക്ഷണങ്ങൾ ഡയറ്റിൽ ഉൾപ്പെടുത്തുന്നത് നല്ലതാണ്.
മൂന്ന്...
ആന്റിഓക്‌സിഡന്റ് അടങ്ങിയ ഭക്ഷണങ്ങൾ വീക്കം കുറയ്ക്കാനും ഇൻസുലിൻ അളവ് നിയന്ത്രിക്കാനും സഹായിക്കുന്നു. പഴങ്ങളും പച്ചക്കറികളും, പരിപ്പ്, ധാന്യങ്ങൾ എന്നിവയിൽ ആന്റിഓക്‌സിഡന്റുകൾ കൂടുതലാണ്.
നാല്...
പഞ്ചസാര, സംസ്കരിച്ച ഭക്ഷണങ്ങൾ, സോഡ, ഐസ്ക്രീം തുടങ്ങിയവ ഒഴിവാക്കണം. ശരിയായ പ്രോട്ടീൻ ഉണ്ടായിരിക്കുക എന്നതാണ് ഏറ്റവും പ്രധാനപ്പെട്ട കാര്യം. ഇൻസുലിൻ അളവിൽ കാർബോഹൈഡ്രേറ്റിന്റെ സ്വാധീനം കാരണം കുറഞ്ഞ കാർബോഹൈഡ്രേറ്റ് ഡയറ്റ് PCOSനെ സഹായിക്കുന്നു. പിസിഒഎസ് ഉള്ള സ്ത്രീകൾക്ക് കുറഞ്ഞ ഗ്ലൈസെമിക് ഭക്ഷണക്രമം ഗുണം ചെയ്യും. കുറഞ്ഞ ജിഐ, കുറഞ്ഞ കാർബ് ഭക്ഷണക്രമം പിസിഒഎസ് സ്ത്രീകളിൽ ഇൻസുലിൻ അളവ് കുറയ്ക്കുകയും ശരീരഭാരം കുറയ്ക്കാൻ സഹായിക്കുകയും ചെയ്യും.
അഞ്ച്...
പാൽ ഉപഭോഗം പരിമിതപ്പെടുത്തുന്നത് PCOS ഉള്ള ചില സ്ത്രീകളെ ശരീരഭാരം കുറയ്ക്കാനും അവരുടെ ചില ഹോർമോൺ PCOS ലക്ഷണങ്ങളെ ലഘൂകരിക്കാനും സഹായിക്കുന്നു. കൂടാതെ, പല സ്ത്രീകൾ പാലുൽപ്പന്നങ്ങളുടെ ഉപയോഗം കുറയ്ക്കുന്നത് കുടലിന്റെ ആരോഗ്യം മെച്ചപ്പെടുത്തുകയും പോഷകങ്ങൾ ആഗിരണം ചെയ്യാൻ സഹായിക്കുകയും ചെയ്യുന്നു.
ആറ്...
പതിവ് വ്യായാമം, പ്രത്യേകിച്ച് കാർഡിയോ, ഇൻസുലിൻ സംവേദനക്ഷമത വർദ്ധിപ്പിക്കുന്നതിനും പ്രമേഹത്തിനും മറ്റ് പിസിഒഎസ് സങ്കീർണതകൾക്കും സാധ്യത കുറയ്ക്കുമെന്നും തെളിയിക്കപ്പെട്ടിട്ടുണ്ട്.
ഏഴ്...
പിസിഒഎസ് ഉള്ള സ്ത്രീകൾക്ക് ഉയർന്ന അളവിൽ കൊളസ്ട്രോളും ട്രൈഗ്ലിസറൈഡുകളും ഉണ്ടാകാനുള്ള സാധ്യത കൂടുതലാണ്. സ്ഥിരമായ വ്യായാമം, ആരോഗ്യകരമായ ഭക്ഷണക്രമം, ഹോർമോണുകളുടെയും ആർത്തവത്തിന്റെയും നിയന്ത്രണത്തിൽ സഹായിക്കുന്നു.
എട്ട്...
വ്യായാമം ചെയ്യുന്നത് സന്തോഷകരമായ ഹോർമോണായ എൻഡോർഫിന്റെ അളവ് ഉയർത്തുന്നു. ഇത് PCOS ബാധിതരിലെ ഉത്കണ്ഠയും സമ്മർദ്ദവും നന്നായി കൈകാര്യം ചെയ്യാൻ സഹായിക്കുന്നു. ഭക്ഷണത്തിലെ മാറ്റങ്ങൾ കൂടാതെ, പതിവ് വ്യായാമം ഉൾപ്പെടുത്തുന്നത് ശരീരഭാരം കുറയ്ക്കുന്നതിനുള്ള അറിയപ്പെടുന്ന ഒരു മാർഗ്ഗമാണ്. പിസിഒഎസ് ഒരു സ്ത്രീയുടെ ആർത്തവചക്രം തടസ്സപ്പെടുത്തുകയും ശരീരഭാരം വർദ്ധിപ്പിക്കുകയും ചെയ്യും. ജീവിതശൈലി മാറ്റങ്ങൾ നടപ്പിലാക്കിയാൽ ശരീരഭാരം കുറയ്ക്കുന്നത് PCOS ലക്ഷണങ്ങളെ സഹായിക്കും.
Read more : പിസിഒഎസ് നിയന്ത്രിക്കാൻ ഭക്ഷണകാര്യത്തിൽ എന്തൊക്കെ ശ്രദ്ധിക്കണം?