World Alzheimer's Day 2023 : സ്ട്രെസ് അൽഷിമേഴ്‌സ് സാധ്യത വർദ്ധിപ്പിക്കുമോ?

വാക്കുകൾ കണ്ടെത്തുന്നതിൽ ബുദ്ധിമുട്ട്, ഗുരുതരമായ ഓർമ്മക്കുറവ്, ആശയക്കുഴപ്പം എന്നിവയെല്ലാം അൽഷിമേഴ്‌സ് രോ​ഗത്തിന്റെ ലക്ഷണങ്ങളാണ്. ഒറ്റയ്ക്ക് ജീവിക്കുന്നത് അൽഷിമേഴ്‌സിന് നേരിട്ട് കാരണമാകില്ലെങ്കിലും സാമൂഹിക ഒറ്റപ്പെടൽ വൈജ്ഞാനിക ആരോഗ്യത്തെ ബാധിക്കും. 

മറവിയുണ്ടാക്കുന്ന നിരവധി അസുഖങ്ങളിൽ ഒന്നുമാത്രമാണ് എല്ലാവരും 'മറവിരോഗം' എന്നുവിളിക്കുന്ന അൽഷിമേഴ്‌സ് രോഗം (Alzheimer's disease). വിട്ടുമാറാത്ത സമ്മർദ്ദം വൈജ്ഞാനിക തകർച്ചയുടെ അപകടസാധ്യതയുമായി ബന്ധപ്പെട്ടിരിക്കുന്നതായി വിദ​ഗ്ധർ പറയുന്നു. അൽഷിമേഴ്‌സ് രോഗസാധ്യത കുറയ്ക്കുന്നതിൽ സ്ട്രെസ് നിയന്ത്രിക്കേണ്ടതും പ്രധാനമാണെന്ന് പഠനങ്ങൾ പറയുന്നു.

വാക്കുകൾ കണ്ടെത്തുന്നതിൽ ബുദ്ധിമുട്ട്, ഗുരുതരമായ ഓർമ്മക്കുറവ്, ആശയക്കുഴപ്പം എന്നിവയെല്ലാം അൽഷിമേഴ്‌സ് രോ​ഗത്തിന്റെ ലക്ഷണങ്ങളാണ്. ഒറ്റയ്ക്ക് ജീവിക്കുന്നത് അൽഷിമേഴ്‌സിന് നേരിട്ട് കാരണമാകില്ലെങ്കിലും സാമൂഹിക ഒറ്റപ്പെടൽ വൈജ്ഞാനിക ആരോഗ്യത്തെ ബാധിക്കും. 

സ്ട്രെസ് തലച്ചോറ് ഉൾപ്പെടെയുള്ള മൊത്തത്തിലുള്ള ആരോഗ്യത്തെ ദോഷകരമായി ബാധിക്കുമെന്ന് പഠനങ്ങൾ പറയുന്നു. സമ്മർദ്ദം കൂടുമ്പോൾ മസ്തിഷ്ക കോശങ്ങൾക്ക് വീക്കത്തിനും കേടുപാടുകൾക്കും ഇടയാക്കും. കാലക്രമേണ, ഇത് അൽഷിമേഴ്‌സ് രോഗത്തിന്റെ വികാസത്തിനും പുരോഗതിക്കും കാരണമായേക്കാം. യോ​ഗയും ധ്യാനവും പരിശീലിക്കുന്നത് സമ്മർദ്ദത്തിന്റെ തോത് ഗണ്യമായി കുറയ്ക്കും. 

സ്ഥിരമായ ശാരീരിക വ്യായാമങ്ങളിൽ ഏർപ്പെടുന്നത് സമ്മർദ്ദത്തെ ചെറുക്കുന്നതിനുള്ള ശക്തമായ മാർഗമാണ്. വ്യായാമം ശരീരത്തിന്റെ സ്വാഭാവിക എൻഡോർഫിനുകൾ പുറത്തുവിടുന്നു. ഇത് സമ്മർദ്ദവും ഉത്കണ്ഠയും കുറയ്ക്കാൻ സഹായിക്കുന്നു.

സമ്മർദ്ദം നിയന്ത്രിക്കുന്നതിന് നല്ല ഉറക്കം ഉറപ്പാക്കേണ്ടത് അത്യാവശ്യമാണ്. ഉറക്കക്കുറവ് കോർട്ടിസോളിന്റെ അളവ് വർദ്ധിപ്പിക്കുകയും തലച്ചോറിന്റെ ആരോഗ്യത്തെ പ്രതികൂലമായി ബാധിക്കുകയും ചെയ്യും. ആന്റിഓക്‌സിഡന്റുകൾ, ഒമേഗ-3 ഫാറ്റി ആസിഡുകൾ, മറ്റ് അവശ്യ പോഷകങ്ങൾ എന്നിവയാൽ സമ്പുഷ്ടമായ സമീകൃതാഹാരം തലച്ചോറിന്റെ ആരോഗ്യത്തെയും സമ്മർദ്ദത്തിനെതിരായ പ്രതിരോധത്തിനും സഹായിക്കുന്നു.