ഇന്ത്യയിൽ മസ്തിഷ്ക സംബന്ധമായ രോഗങ്ങൾ വർധിക്കുന്നു; കാരണങ്ങളും പ്രതിരോ​ധമാർ​ഗങ്ങളും

അനാരോഗ്യകരമായ ജീവിതശൈലി, പ്രമേഹം, ഉയർന്ന രക്തസമ്മർദ്ദം, അമിതവണ്ണം, മാനസിക സമ്മർദ്ദം, ഉറക്കക്കുറവ് എന്നിവയുടെ വർദ്ധിച്ചുവരുന്ന നിരക്കാണ് ഇതിന് കാരണമാകുന്നത്.

ഇന്ത്യയിൽ മസ്തിഷ്ക സംബന്ധമായ രോഗങ്ങൾ വർധിക്കുന്നതായി പഠനങ്ങൾ പറയുന്നു. നാഡീസംബന്ധമായ രോഗങ്ങൾ ഇപ്പോൾ പ്രായമായവരിൽ മാത്രം ഒതുങ്ങിനിൽക്കുന്നവയല്ല. ഇന്ത്യയിലുടനീളം പക്ഷാഘാതം (stroke), അപസ്മാരം, പാർക്കിൻസൺസ് രോഗം, ഡിമെൻഷ്യ, മൾട്ടിപ്പിൾ സ്ക്ലിറോസിസ്, മറ്റ് മസ്തിഷ്ക സംബന്ധമായ രോഗങ്ങൾ എന്നിവയിൽ സ്ഥിരമായ വർദ്ധനവ് ഡോക്ടർമാർ നിരീക്ഷിക്കുന്നുണ്ട്.

ഒരുകാലത്ത് വാർദ്ധക്യകാല രോഗമായി കണക്കാക്കപ്പെട്ടിരുന്ന പക്ഷാഘാതം, ഇപ്പോൾ 30-ഉം 40-ഉം വയസ്സുള്ളവരിലും വ്യാപകമായി കണ്ടുവരുന്നു. അനാരോഗ്യകരമായ ജീവിതശൈലി, പ്രമേഹം, ഉയർന്ന രക്തസമ്മർദ്ദം, അമിതവണ്ണം, മാനസിക സമ്മർദ്ദം, ഉറക്കക്കുറവ് എന്നിവയുടെ വർദ്ധിച്ചുവരുന്ന നിരക്കാണ് ഇതിന് കാരണമാകുന്നത്.

ലോകജനസംഖ്യയിൽ 40 ശതമാനത്തിലധികം ആളുകളും ഏതെങ്കിലും തരത്തിലുള്ള നാഡീസംബന്ധമായ രോഗാവസ്ഥയുമായി ജീവിക്കുന്നവരാണെന്ന് ലോകാരോഗ്യ സംഘടന വ്യക്തമാക്കുന്നു. രാജ്യത്ത് അതിവേഗം വർധിച്ചുവരുന്ന ആരോഗ്യപ്രശ്നങ്ങളിലൊന്നായി നാഡീസംബന്ധമായ രോഗങ്ങൾ മാറിക്കൊണ്ടിരിക്കുകയാണെന്ന് ഡോക്ടർമാർ പറയുന്നു. 

പ്രായമായവരുടെ എണ്ണത്തിലുണ്ടാകുന്ന വർധനവ്, വർധിച്ചുവരുന്ന ആയുർദൈർഘ്യം, ജീവിതശൈലീരോഗങ്ങളുടെ വർധിച്ചുവരുന്ന ഭാരം എന്നിവയാണ് ഈ വർധനവിന് കാരണമാകുന്നത്. ഡോക്ടർമാർ കണ്ടുവരുന്ന ഏറ്റവും വലിയ മാറ്റങ്ങളിലൊന്ന് ചെറുപ്പക്കാരിൽ പക്ഷാഘാതം വർധിച്ചുവരുന്നതാണ്.

 പക്ഷാഘാതം ഇപ്പോൾ പ്രായമായവരിൽ മാത്രം ഒതുങ്ങിനിൽക്കുന്ന ഒന്നല്ല. നിയന്ത്രണാതീതമായ ഉയർന്ന രക്തസമ്മർദ്ദം, പ്രമേഹം, അമിതവണ്ണം, പുകവലി, വിട്ടുമാറാത്ത മാനസിക സമ്മർദ്ദം, വ്യായാമില്ലായ്മ, അനാരോഗ്യകരമായ ഭക്ഷണശീലങ്ങൾ, ഉറക്കക്കുറവ് എന്നിവ കാരണം 30-ഉം 40-ഉം വയസ്സിലുള്ളവരിലും പക്ഷാഘാതം വർധിച്ചുവരികയാണ്. ഭാവിയിൽ തലച്ചോറിനെ ബാധിക്കുന്ന രോഗങ്ങൾ കുറയ്ക്കുന്നതിൽ ജീവിതശൈലീ മാറ്റങ്ങൾ പ്രധാന ഘടകമാണ്. ആരോഗ്യകരമായ ജീവിതശൈലിക്ക് തലച്ചോറിന്റെ ആരോഗ്യം സംരക്ഷിക്കാൻ കഴിയും.

ശ്രദ്ധിക്കേണ്ട ‍കാര്യങ്ങൾ

രക്തസമ്മർദ്ദവും രക്തത്തിലെ പഞ്ചസാരയുടെ അളവും നിയന്ത്രണവിധേയമായി നിലനിർത്തുക

കൃത്യമായി വ്യായാമം ചെയ്യുക

സമീകൃതാഹാരം കഴിക്കുക

മതിയായ ഉറക്കം ലഭിക്കുക

പുകവലിയും അമിതമായ മദ്യപാനവും ഒഴിവാക്കുക

മാനസിക സമ്മർദ്ദം ഒഴിവാക്കുക.