'നഖത്തിന് മഞ്ഞനിറം, അമിതമായി വിയർക്കുക' ; ഈ രോ​ഗത്തിന്റെ ലക്ഷണമാകാം

ഉയർന്ന കൊളസ്ട്രോളിന്റെ അളവ് രക്തക്കുഴലുകളിൽ ഫാറ്റി ഡിപ്പോസിറ്റുകളുടെ രൂപീകരണത്തിന് കാരണമാകും. ചില സമയങ്ങളിൽ ഇത് സ്ട്രോക്ക് അല്ലെങ്കിൽ ഹൃദയാഘാതം ഉണ്ടാക്കുകയും ചെയ്യാമെന്ന് വിദഗ്ദ്ധർ പറയുന്നു.

മോശം ഭക്ഷണ ശീലങ്ങളും വ്യായാമമില്ലായ്മയും വിവിധ ആരോഗ്യ പ്രശ്‌നങ്ങൾക്ക് കാരണമാകും. അതിലൊന്നാണ് കൊളസ്ട്രോൾ. ഉയർന്ന കൊളസ്ട്രോളിന്റെ ലക്ഷണങ്ങൾ നേരത്തെ തിരിച്ചറിയേണ്ടത് പ്രധാനമാണ്. 

'ആരോഗ്യകരമായ കോശങ്ങൾ നിർമ്മിക്കുന്നതിന് ശരീരത്തിൽ ഉൽപാദിപ്പിക്കുന്ന മെഴുക് പോലെയുള്ള കൊഴുപ്പ് പോലെയുള്ള പദാർത്ഥമാണ് കൊളസ്ട്രോൾ. മൊത്തത്തിൽ ഉൽപ്പാദിപ്പിക്കുമ്പോൾ, കൊളസ്ട്രോൾ വ്യക്തികൾക്ക് ഗുരുതരമായ ആരോഗ്യപ്രശ്നങ്ങൾ ഉണ്ടാക്കും...' -  ഫരീദാബാദിലെ ഏഷ്യൻ ഹോസ്പിറ്റലിലെ ഇന്റർവെൻഷണൽ കാർഡിയോളജി ഡയറക്ടർ ഡോ.സുബ്രത് അഖൂരി പറയുന്നു.

ഉയർന്ന കൊളസ്ട്രോളിന്റെ അളവ് രക്തക്കുഴലുകളിൽ ഫാറ്റി ഡിപ്പോസിറ്റുകളുടെ രൂപീകരണത്തിന് കാരണമാകും. ചില സമയങ്ങളിൽ ഇത് സ്ട്രോക്ക് അല്ലെങ്കിൽ ഹൃദയാഘാതം ഉണ്ടാക്കുകയും ചെയ്യാമെന്ന് വിദഗ്ദ്ധർ പറയുന്നു. മോശം കൊളസ്ട്രോൾ എന്നറിയപ്പെടുന്ന ലോ ഡെൻസിറ്റി ലിപ്പോപ്രോട്ടീൻ (എൽഡിഎൽ) നിങ്ങളുടെ ആരോഗ്യത്തിന് നല്ലതല്ല. എൽഡിഎൽ അമിതമായി അടിഞ്ഞുകൂടുന്നത് രക്തക്കുഴലുകളുടെ സങ്കോചത്തിന് കാരണമാകുന്നു. ഇത് നെഞ്ചുവേദനയ്‌ക്കോ ഹൃദയാഘാതം പോലുള്ള ഗുരുതരമായ ആരോഗ്യപ്രശ്‌നങ്ങളിലേക്കോ നയിച്ചേക്കാം. എന്നിരുന്നാലും, എല്ലാ കൊളസ്ട്രോളും ശരീരത്തിന് ദോഷകരമല്ല... ഡോ.സുബ്രത് കൂട്ടിചേർത്തു.

ഉയർന്ന സാന്ദ്രതയുള്ള ലിപ്പോപ്രോട്ടീൻ (HDL) നല്ല കൊളസ്ട്രോൾ എന്നറിയപ്പെടുന്നു. ഈ ലിപ്പോപ്രോട്ടീന്റെ ഉയർന്ന അളവ് നല്ല ആരോഗ്യത്തിന്റെ അടയാളമാണ്. ഹൃദ്രോഗത്തിനും പക്ഷാഘാതത്തിനും സാധ്യത കുറവാണ്.
ഉയർന്ന കൊളസ്ട്രോൾ  പുകവലി,  പൊണ്ണത്തടി തുടങ്ങിയ അനാരോഗ്യകരമായ ജീവിതശൈലിലൂടെ ഉണ്ടാകുന്നതാകാം. ആരോഗ്യകരമായ ജീവിതശൈലി, ചിട്ടയായ വ്യായാമവും ഉയർന്ന കൊളസ്ട്രോൾ കുറയ്ക്കാൻ സഹായിക്കും. ഉയർന്ന കൊളസ്ട്രോൾ നേരത്തേ തിരിച്ചറിയാൻ സഹായിക്കുന്ന ചില പ്രധാനപ്പെട്ട ലക്ഷണങ്ങളെ കുറിച്ച് ഡോ.സുബ്രത് പറയുന്നു.

Read more  കൊവി‍ഡ് 19 പിടിപെട്ട് രണ്ട് വർഷത്തിന് ശേഷം ഈ ആരോ​ഗ്യപ്രശ്നം ഉണ്ടാകാനുള്ള സാധ്യത കൂടുതൽ; പഠനം

ഒന്ന്...

മഞ്ഞനിറമുള്ള നഖങ്ങൾ ഉയർന്ന കൊളസ്ട്രോളിന്റെ ലക്ഷണമായാണ് സൂചിപ്പിക്കുന്നത്. ധമനികൾ തടസ്സപ്പെടുമ്പോൾ, നഖങ്ങൾ ഉൾപ്പെടെ ശരീരത്തിന്റെ വിവിധ ഭാഗങ്ങളിലേക്കുള്ള രക്തപ്രവാഹം പരിമിതപ്പെടുത്തുന്നു. ഇത് നഖങ്ങൾക്ക് അടിയിൽ ഇരുണ്ട വരകൾ ഉണ്ടാകാൻ ഇടയാക്കും. അത് സാധാരണയായി നഖങ്ങളുടെ വളർച്ചയെ ബാധിക്കാം.

രണ്ട്...

കാലുകളിലെ മരവിപ്പ് ഉയർന്ന കൊളസ്ട്രോളിന്റെ മറ്റൊരു ലക്ഷണമായാണ് വിദ​ഗ്ധർ ചൂണ്ടിക്കാട്ടുന്നത്. രക്തപ്രവാഹത്തിലെ തടസ്സങ്ങൾ ഓക്സിജൻ സമ്പുഷ്ടമായ രക്തം കൈകളിലേക്കും കാലുകളിലേക്കും എത്തുന്നത് തടയാൻ ഇടയാക്കും. ഇത് വേദനയ്ക്കും ഇടയാക്കും. തണുത്ത കാലുകൾ അല്ലെങ്കിൽ പാദങ്ങൾ, സുഖപ്പെടാത്ത വ്രണങ്ങൾ, മലബന്ധം എന്നിവയും ഉയർന്ന കൊളസ്ട്രോളിന്റെ മറ്റ് ലക്ഷണമാണ്.

മൂന്ന്...

വിയർപ്പ് സാധാരണയായി അവഗണിക്കപ്പെടുന്ന ഒരു ലക്ഷണമാണ്. നിങ്ങൾ അമിതമായി വിയർക്കാൻ തുടങ്ങിയാൽ ഉയർന്ന കൊളസ്ട്രോൾ ഉണ്ടാകാമെന്ന് വിദ​ഗ്ധർ‌ പറയുന്നു. 

നാല്...

രക്തക്കുഴലുകളിൽ അധിക കൊളസ്ട്രോൾ അടിഞ്ഞുകൂടുന്നതിനെയാണ് Peripheral Artery Disease (PAD) എന്ന അവസ്ഥ. ഇത് കട്ടപിടിക്കുന്നതിലേക്ക് നയിക്കുന്നു. അതിന്റെ ഫലമായി കൈകാലുകളിൽ വേദന ഉണ്ടാകുന്നു. PAD കൈകളിലും കാലുകളിലും അസ്വസ്ഥത ഉണ്ടാക്കുന്നു. അതുവഴി നടത്തം, ഓട്ടം തുടങ്ങിയ ദൈനംദിന പ്രവർത്തനങ്ങളെ ബാധിക്കുകയും ജീവിത നിലവാരത്തെ ബാധിക്കുകയും ചെയ്യും.

ഉയർന്ന കൊളസ്ട്രോൾ രക്തക്കുഴലുകളുടെ സങ്കോചത്തിന് കാരണമാകുന്നു, ഇത് നെഞ്ചുവേദനയിലേക്കോ ഹൃദയാഘാതം പോലുള്ള ഗുരുതരമായ ആരോഗ്യപ്രശ്നങ്ങളിലേക്കോ നയിച്ചേക്കാം. ഉയർന്ന കൊളസ്ട്രോൾ കുറയ്ക്കുന്നതിനുള്ള ഏറ്റവും നല്ല മാർഗം ആരോഗ്യകരമായ ജീവിതശൈലി സ്വീകരിക്കുകയും ഡോക്ടർ നിർദ്ദേശിക്കുന്ന മരുന്നുകൾ കഴിക്കുകയും ചെയ്യുക എന്നതാണ്. മദ്യവും പുകവലിയും ഒഴിവാക്കുക, ഫൈബർ അടങ്ങിയതും പൂരിത കൊഴുപ്പ് കുറഞ്ഞതുമായ ഭക്ഷണക്രമം, പതിവ് വ്യായാമം, ആരോഗ്യകരമായ ഭാരം നിലനിർത്തൽ എന്നിവ ആരോഗ്യകരമായ കൊളസ്‌ട്രോളിന്റെ അളവ് നിലനിർത്താൻ സഹായകമാണ്. ദിവസവും കുറഞ്ഞത് ഒരു മണിക്കൂർ വ്യായാമം ചെയ്യാൻ സമയം മാറ്റിവയ്ക്കണമെന്നും വിദഗ്ധർ നിർദേശിക്കുന്നു.

Read more അമിതവണ്ണം കുറയ്ക്കാൻ 'ലെമൺ കോഫി' കുടിക്കാറുണ്ടോ?