വര്ഷകാല സമ്മേളനത്തിനെത്തിയ 12 ബിജെപി എംപിമാരടക്കം 17 ലോക്സഭാ എംപിമാര്ക്ക് കൊവിഡ്
Synopsis
കൊവിഡ് സ്ഥിരീകരിച്ചിരിക്കുന്ന എംപിമാരില് 12 പേരും ബിജെപി അംഗങ്ങളാണ്. രണ്ട് പേര് വൈഎസ്ആര് കോണ്ഗ്രസ് എംപിമാരും മറ്റുളളവര് ശിവസേന, ഡിഎംകെ, ആര്എല്പി അംഗങ്ങളുമാണ്.
ദില്ലി: പാര്ലമെന്റ് വര്ഷകാല സമ്മേളനം തുടങ്ങിയതിന് പിന്നാലെ 17 ലോക്സഭാ എംപിമാര്ക്ക് കൊവിഡ് സ്ഥിരീകരിച്ചതായി റിപ്പോര്ട്ട്. ഇതിലൊരാള് മീനാക്ഷി ലേഖിയാണ്. ഇന്ന് രാവിലെ പാര്ലമെന്റ് സമ്മേളനം തുടങ്ങുന്നതിന് മുന്നോടിയായി എല്ലാ എംപിമാര്ക്കും നിര്ബന്ധിത കൊവിഡ് പരിശോധന നടത്തിയിരുന്നു. ഈ പരിശോധനാ ഫലം പുറത്ത് വന്നതോടെയാണ് എംപിമാര്ക്ക് കൊവിഡ് സ്ഥിരീകരിച്ചിരിക്കുന്നത്.
സെപ്റ്റംബര് 13, 14 ദിവസങ്ങളിലായി പാര്ലമെന്റ് ഹൗസില് വെച്ച് തന്നെയാണ് ലോക്സഭാ എംപിമാര്ക്ക് കൊവിഡ് പരിശോധന നടത്തിയത്. കൊവിഡ് സ്ഥിരീകരിച്ചിരിക്കുന്ന എംപിമാരില് 12 പേരും ബിജെപി അംഗങ്ങളാണ്. രണ്ട് പേര് വൈഎസ്ആര് കോണ്ഗ്രസ് എംപിമാരും മറ്റുളളവര് ശിവസേന, ഡിഎംകെ, ആര്എല്പി അംഗങ്ങളുമാണ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam