ബിജെപിയുമായി സഹകരിക്കാന് ഉപാധി വെച്ച് അമരീന്ദർ സിംഗ്; കര്ഷക സമരം കേന്ദ്രം ഒത്തുതീര്പ്പാക്കിയാല് സഹകരണം
Synopsis
കര്ഷക സമരം കേന്ദ്രം ഒത്തുതീര്പ്പാക്കിയാല് സഹകരിക്കുമെന്നാണ് അമരീന്ദർ സിംഗിന്റെ വാഗ്ദാനം. കർഷകരുടെ ആവശ്യങ്ങൾ അംഗീകരിച്ചാൽ വരുന്ന നിയമസഭ തെരഞ്ഞെടുപ്പിൽ ബിജെപിയുമായി സീറ്റ് ധാരണയുണ്ടാകും.
ദില്ലി: സ്വന്തം രാഷ്ട്രീയ പാര്ട്ടി പ്രഖ്യാപനം ഉടനന്നെന്ന് പഞ്ചാബ് മുൻ മുഖ്യമന്ത്രി അമരീന്ദർ സിംഗ് (Amarinder Singh). പഞ്ചാബില് ബിജെപിയുമായി സഹകരിക്കാന് അമരീന്ദർ സിംഗ് ഉപാധി വെച്ചു. കര്ഷക സമരം കേന്ദ്രം ഒത്തുതീര്പ്പാക്കിയാല് സഹകരിക്കുമെന്നാണ് അമരീന്ദർ സിംഗിന്റെ വാഗ്ദാനം. കർഷകരുടെ ആവശ്യങ്ങൾ അംഗീകരിച്ചാൽ വരുന്ന നിയമസഭ തെരഞ്ഞെടുപ്പിൽ ബിജെപിയുമായി സീറ്റ് ധാരണയുണ്ടാകുമെന്നും അമരീന്ദർ സിംഗ് അറിയിച്ചു.
പുതിയ പാർട്ടി രൂപീകരണത്തിനുള്ള അമരീന്ദര് സിംഗിന്റെ ഒരുക്കങ്ങൾ പുരോഗമിക്കുകയാണ്. ഇരുപത് എംഎല്എമാരുടെ പിന്തുണയാണ് അമരീന്ദര് സിംഗ് അവകാശപ്പെടുന്നത്. കഴിഞ്ഞ മാസം കേന്ദ്ര ആഭ്യന്തരമന്ത്രി അമിത് ഷായെ കണ്ട അമരീന്ദർ കർഷകസമരം ഒത്തുതീർപ്പാക്കാൻ അദ്ദേഹവുമായി ചർച്ച നടത്തിയതായി വ്യക്തമാക്കിയിരുന്നു. മുഖ്യമന്ത്രി സ്ഥാനം രാജിവച്ച ശേഷം എഐസിസി നേതൃത്വത്തിനെതിരെ ആഞ്ഞടിച്ച അമരീന്ദർ സിംഗിനെ അനുനയിപ്പിക്കാനുള്ള ഒരു വശത്ത് ഹൈക്കമാൻഡ് ഇപ്പോഴും തുടരുകയാണ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam