അതിർത്തിയിലെ സാഹചര്യം വിലയിരുത്താൻ കരസേനാ മേധാവി കശ്മീരിൽ; പൂഞ്ചിൽ ഒമ്പതാം ദിനവും  ഭീകരരെ കണ്ടെത്താൻ തെരച്ചിൽ

വനമേഖലയിൽ ഒളിച്ചിരിക്കുന്ന ഭീകരരെ ഉടൻ പിടികൂടാനുകമെന്ന് സൈനിക വൃത്തങ്ങൾവ്യക്തമാക്കി

ജമ്മു: കരസേനാ മേധാവി എം എം നരവനെ (Army Chief MM Naravan) ഇന്ന് ജമ്മു സന്ദർശിക്കും (Jammu and Kashmir). അതിർത്തി പ്രദേശങ്ങളിൽ സന്ദർശനം നടത്തുന്ന കരസേന മേധാവി((Army Chief) സുരക്ഷാ വിലയിരുത്തലും നടത്തും. സാധാരണക്കാർക്ക് നേരെ നടക്കുന്ന ആക്രമണങ്ങളുടെയും പൂഞ്ചിൽ ഭീകരർകായുള്ള തെരച്ചിലിന്റെയും പശ്ചാത്തലത്തിലാണ് സന്ദർശനം. രണ്ടു ദിവസത്തെ സന്ദർശനത്തിനായാണ് എം എം നരവനെ ജമ്മുകാശ്മീരിൽ എത്തിയിരിക്കുന്നത്.

അതേസമയം പൂഞ്ചിൽ ഭീകരർകായുള്ള തെരച്ചിൽ ഒമ്പതാം ദിവസവും തുടരുകയാണ്. വനമേഖലയിൽ ഒളിച്ചിരിക്കുന്ന ഭീകരരെ (Terrorists) ഉടൻ പിടികൂടാനുകമെന്ന് സൈനിക വൃത്തങ്ങൾവ്യക്തമാക്കി. പാകിസ്ഥാൻ കമാൻഡോകളുടെ (Pakistan Commando) സഹായം ലഭിക്കാനിടയുള്ള ഭീകരർ വൻ ആയുധശേഖരവുമായി ആണ് കാടിനുള്ളിൽ തങ്ങുന്നത് എന്നാണ് അനുമാനം.