valentine day : വലന്റെയ്ന് ഡേക്കെതിരെ പ്രതിഷേധവുമായി ബജ്റംഗ്ദള്; അമര്ജവാന് ദിനമായി ആചരിക്കണമെന്നും ആവശ്യം
Synopsis
വലന്റെയ്ന് ദിനം ഇന്ത്യയില് അടിച്ചേല്പ്പിച്ചതാണ്. ആല്ബങ്ങളും ആശംസാ കാര്ഡുകളും വിറ്റഴിച്ച് മള്ട്ടിനാഷണല് കമ്പനികള് പണമുണ്ടാക്കുകയാണ്. മഹാഭാരതം, രാമായണം പോലുള്ള നിരവധി പ്രണയകഥകള് ഇന്ത്യയില് ഉണ്ടെന്നും ബജ്റംഗ്ദള് പ്രവര്ത്തകര് പറഞ്ഞു.
ഹൈദരാബാദ്: വലന്റെയ്ന് ദിനാഘോഷത്തിനെതിരെ (Valentine's day) പ്രതിഷേധവുമായി ബജ്റംഗ്ദള് (Bajrang Dal). ഹൈദരാബാദില് ബജ്റംഗ്ദള് പ്രവര്ത്തകര് പ്രതിഷേധം സംഘടിപ്പിച്ചു. ഫെബ്രുവരി 14 അമര് ജവാന് ദിനമായി (Amar jawan day) ആചരിക്കണമെന്നും ബജ്റംഗ് ദള് പ്രവര്ത്തകര് ആവശ്യപ്പെട്ടു. വലന്റെയ്ന് ദിന ആശംസാ കാര്ഡുകളും വലന്റെയ്ന് കോലങ്ങളും കത്തിച്ചാണ് ബജ്റംഗ്ദള് പ്രവര്ത്തകര് പ്രതിഷേധിച്ചത്.
വലന്റെയ്ന് ദിനം ഇന്ത്യയില് അടിച്ചേല്പ്പിച്ചതാണ്. ആല്ബങ്ങളും ആശംസാ കാര്ഡുകളും വിറ്റഴിച്ച് മള്ട്ടിനാഷണല് കമ്പനികള് പണമുണ്ടാക്കുകയാണ്. മഹാഭാരതം, രാമായണം പോലുള്ള നിരവധി പ്രണയകഥകള് ഇന്ത്യയില് ഉണ്ടെന്നും ബജ്റംഗ്ദള് പ്രവര്ത്തകര് പറഞ്ഞു. പുല്വാമയില് 40 സൈനികരാണ് ജീവന് വെടിഞ്ഞത്. സൈനികരുടെ ജീവത്യാഗമാണ് യുവാക്കള് അറിയേണ്ടത്. അല്ലാതെ വലന്റെയ്ന്സ് ഡേ അല്ല. ഫെബ്രുവരി 14 അമര് ജവാന് ദിനമായി കൊണ്ടാടണമെന്ന് കേന്ദ്ര സര്ക്കാറിനോടും തെലങ്കാന സര്ക്കാറിനോടും ആവശ്യപ്പെടുകയാണെന്നും ബജ്റംഗ്ദള് പ്രവര്ത്തകര് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam