ആളുകള് കൂട്ടം കൂടി കല്ലെറിഞ്ഞു, ബാലന്സ് തെറ്റി പുഴയില് വീണ കരടിയെ കാണാനില്ല; ക്രൂരതയുടെ വീഡിയോ
Synopsis
ആളുകള് പിന്തുടര്ന്നതിന് പിന്നാലെ കുത്തനെയുള്ള മലയില് കയറിയതായിരുന്നു കരടി.
ജമ്മു: കല്ലേറിനെ തുടര്ന്ന് മലമുകളില് നിന്നും പുഴയില് വീണ കരടിയെ കണ്ടുപിടിക്കാനുള്ള ശ്രമത്തില് അധികൃതര്. ജമ്മുകാശ്മീരിലെ കാര്ഗില് ജില്ലയിലെ ദ്രാസ് ഏരിയയിലാണ് സംഭവം. ആളുകള് പിന്തുടര്ന്നതിന് പിന്നാലെ കുത്തനെയുള്ള മലയില് കയറിയതായിരുന്നു കരടി. എന്നാല് ആളുകള് കല്ലെറിയാന് തുടങ്ങിയതോടെ ബാലന്സ് തെറ്റി താഴെ പുഴയില് വീണു. കരടി വെള്ളത്തില് പതിക്കുമ്പോള് ആളുകള് ഉച്ചത്തില് ശബ്ദമുണ്ടാക്കുന്നതും കേള്ക്കാം. എട്ട് സെക്കന്റ് ദൈര്ഘ്യമുള്ള വീഡിയോ ട്വിറ്ററില് അപ്ലോഡ് ചെയ്തിരിക്കുന്നത് ടൂറിസം ഡയറക്ടര് മെഹ്മൂദ് ഷായാണ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam