മോദി വിരുദ്ധ പരാമർശം: കനയ്യകുമാറിനെതിരെ ബീഹാർ കോടതി കേസെടുത്തു

മോദിക്കെതിരെ കനയ്യകുമാർ വിദ്വേഷപരാമർശം നടത്തിയെന്നാണ് ബഡ്വാളിന്റെ ആരോപണം. പരാതി കോടതി ഫയലിൽ സ്വീകരിച്ചിട്ടുണ്ട്. 

ദില്ലി: പ്രധാനമന്ത്രി നരേന്ദ്ര മോദിക്കെതിരെ പരാമർശം നടത്തിയതിന്റെ പേരിൽ  ജെഎൻയു വിദ്യാർത്ഥി യൂണിയൻ മുൻ പ്രസിഡന്റ് കനയ്യകുമാറിനെതിരെ ബീഹാർ കോടതി  കേസെടുത്തു. ബിജെപി ന്യൂനപക്ഷ വിഭാ​ഗം സംസ്ഥാന വൈസ് പ്രസിഡന്റ് ടിറ്റു ബഡ്വാൾ ആണ് പരാതി നൽകിയത്. മോദിക്കെതിരെ കനയ്യകുമാർ വിദ്വേഷപരാമർശം നടത്തിയെന്നാണ് ബഡ്വാളിന്റെ ആരോപണം. പരാതി കോടതി ഫയലിൽ സ്വീകരിച്ചിട്ടുണ്ട്. 

കമ്യൂണിസ്റ്റ് പാർട്ടി ഓഫ് ഇന്ത്യയുടെ (സിപിഐ) സീറ്റിൽ ബ​ഗൂസാറ മണ്ഡലത്തിൽ നിന്ന് ഇത്തവണ ലോക്സഭാ തെര‍ഞ്ഞെടുപ്പിൽ കനയ്യകുമാർ മത്സരിക്കുന്നുണ്ട്. തെരഞ്ഞെടുപ്പ് പ്രചാരണത്തോട് അനുബന്ധിച്ച് നടത്തിയ പ്രസം​ഗത്തിലാണ് കനയ്യകുമാർ മോദി വിരുദ്ധ പരാമർശം നടത്തിയതെന്നാണ് ആരോപണം. ജെഎൻയു ക്യാമ്പസിനുള്ളിൽ ദേശവിരുദ്ധ മുദ്രാവാക്യം വിളിച്ചു എന്ന വിഷയത്തിൽ കനയ്യകുമാറിനെതിരെ മുമ്പും കേസെടുത്തിട്ടുണ്ട്.