രാജ്യത്ത് 24 മണിക്കൂറിനിടെ 25,166 കൊവിഡ്  കേസുകൾ; 437 മരണം കൂടി സ്ഥിരീകരിച്ചു

154 ​ദിവസത്തെ എറ്റവും കുറവ് പ്രതിദിന കണക്കാണ് ഇന്ന് റിപ്പോ‌‍ർട്ട് ചെയ്തിരിക്കുന്നത്. 369846 പേ‌ർ നിലവിൽ കൊവിഡ് ബാധിച്ച് ചികിത്സയിലുണ്ടെന്നും 31448754 പേർ ഇത് വരെ രോ​ഗമുക്തി നേടിയെന്നുമാണ് കേന്ദ്ര ആരോഗ്യമന്ത്രാലയത്തിന്റെ കണക്ക്.

ദില്ലി: രാജ്യത്ത് 24 മണിക്കൂറിനിടെ 25,166 കൊവിഡ്  കേസുകൾ കൂടി റിപ്പോ‍‌ർട്ട് ചെയ്തു. 437 മരണം കൂടി ഔദ്യോ​ഗികമായി റിപ്പോ‌ർട്ട് ചെയ്തിട്ടുണ്ട്. കേന്ദ്ര സർക്കാർ കണക്കനുസരിച്ച് രാജ്യത്ത് ഇത് വരെ കൊവിഡ് ബാധിച്ച് മരിച്ചത് 432079 പേരാണ്. 1.98 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 

154 ​ദിവസത്തെ എറ്റവും കുറവ് പ്രതിദിന കണക്കാണ് ഇന്ന് റിപ്പോ‌‍ർട്ട് ചെയ്തിരിക്കുന്നത്. 369846 പേ‌ർ നിലവിൽ കൊവിഡ് ബാധിച്ച് ചികിത്സയിലുണ്ടെന്നും 31448754 പേർ ഇത് വരെ രോ​ഗമുക്തി നേടിയെന്നുമാണ് കേന്ദ്ര ആരോഗ്യമന്ത്രാലയത്തിന്റെ കണക്ക്. 97.51 ശതമാനമാണ് നിലവിൽ രോ​ഗമുക്തി നിരക്ക്.