'ഓഫറുകൾ നൽകി ആളെക്കൂട്ടുകയല്ല വേണ്ടത്'; ഇന്ത്യ സഖ്യത്തെ വിമർശിച്ച് സിപിഎം നേതാവ് മുഹമ്മദ് യൂസഫ് തരി​ഗാമി

 കൂടുതൽ മതേതര കക്ഷികളെ ഒപ്പം ചേർക്കാനായില്ലെന്നും തരി​ഗാമി വിമർശിച്ചു. 

ദില്ലി: ജമ്മു കശ്മീർ തെരഞ്ഞെടുപ്പിൽ ഇന്ത്യ സഖ്യത്തിനെതിരെ വിമർശനവുമായി സഖ്യസ്ഥാനാർത്ഥിയും സി പി എം നേതാവുമായ മുഹമ്മദ് യൂസഫ് തരിഗാമി. ഓഫറുകൾ നൽകി ആളെകൂട്ടുകയല്ല വേണ്ടതെന്ന് തരിഗാമി ഏഷ്യാനെറ്റ് ന്യൂസിനോട് പറഞ്ഞു. കൂടുതൽ മതേതര കക്ഷികളെ ഒപ്പം ചേർക്കാനായില്ലെന്നും തരി​ഗാമി വിമർശിച്ചു. പിഡിപിയെ ഒപ്പം ചേർക്കാൻ സാധിച്ചില്ല. കഴിഞ്ഞ ലോക്സഭ തെരഞ്ഞെടുപ്പ് മുതൽ നീക്കം തുടങ്ങിയെങ്കിലും അഭിപ്രായ വ്യത്യാസം മൂലം നടന്നില്ലെന്ന് ചൂണ്ടിക്കാട്ടിയ തരി​ഗാമി തീവ്രവാദത്തിൽ നിന്ന് തെരഞ്ഞെടുപ്പിലെത്തിയ ജമാഅത്തെ ഇസ്ലാമിയെ ജനം തള്ളുമെന്നും പറഞ്ഞു.