കൈകോർത്ത് നടന്നത് മരണത്തിലേക്ക്, കുടുംബം വിവാഹം എതിർത്തതിന് പിന്നാലെ ട്രെയിനിന് മുന്നിൽ ചാടി ജീവനൊടുക്കി കമിതാക്കൾ

ഉത്തർപ്രദേശിലെ മഹാരാജ്‌ഗഞ്ച് ജില്ലയിലെ ഭഗീരഥ് റെയിൽവേ സ്റ്റേഷന് സമീപം കമിതാക്കൾ ട്രെയിനിന് മുന്നിൽ ചാടി ആത്മഹത്യ ചെയ്തു

ലക്ക്നൗ: ഉത്തർപ്രദേശിലെ മഹാരാജ്‌ഗഞ്ച് ജില്ലയിലെ ഭഗീരഥ് റെയിൽവേ സ്റ്റേഷന് സമീപം കമിതാക്കൾ ട്രെയിനിന് മുന്നിൽ ചാടി ആത്മഹത്യ ചെയ്തു. ഇരുവരും തമ്മിലുള്ള വിവാഹം കുടുംബാംഗങ്ങൾ എതിർത്തതാണ് ആത്മഹത്യയിലേക്ക് നയിച്ചതെന്നാണ് വിവരം. സാക്ഷികൾ പറയുന്നതനുസരിച്ച്, ഇരുവരും കൈകോർത്ത് പിടിച്ചുകൊണ്ടാണ് ട്രെയിനിന് മുന്നിൽ ചാടിയത്. നൗതൻവ-ഗോരഖ്പൂർ ഇന്‍റർസിറ്റി എക്സ്പ്രസിന് മുന്നിലേക്കാണ് ഇരുവരും എടുത്ത് ചാടിയത്. സംഭവത്തിന് പിന്നാലെ ഇരുവരുടെയും ബന്ധുക്കളെ വിവരം അറിയിച്ചു. മൃതദേഹങ്ങൾ പോസ്റ്റ്‌മോർട്ടത്തിനായി അയച്ച ശേഷം ബന്ധുക്കൾക്ക് കൈമാറി. സംഭവത്തില്‍ കൂടുതൽ അന്വേഷണം നടക്കുകയാണെന്ന് പൊലീസ് അറിയിച്ചു.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോൾ 'ദിശ' ഹെൽപ് ലൈനിൽ വിളിക്കുക. ടോൾ ഫ്രീ നമ്പർ: Toll free helpline number: 1056, 0471-2552056)