ഈ മാസം 26 ന് ഭാരത് ബന്ദിന് കർഷകരുടെ ആഹ്വാനം: മാർച്ച് 15 ന് ഇന്ധന വില വർധനയ്ക്ക് എതിരെ പ്രതിഷേധം

ഇന്ധന വില വർധനവിനെതിരെ മാർച്ച് 15 ന് ട്രേഡ് യൂണിയനുകളുടെ സഹകരണത്തോടെ പ്രതിഷേധ ദിനം ആചരിക്കാനും സംഘടനകൾ തീരുമാനിച്ചു

ദില്ലി: ഈ മാസം 26 ന് ഭാരത് ബന്ദ് പ്രഖ്യാപിച്ച് കർഷക സംഘടനകൾ. കർഷക സമരം നാല് മാസം പിന്നിട്ടുന്നതിന്റെ ഭാഗമായിട്ടാണ് ഭാരത് ബന്ദ് പ്രഖ്യാപിച്ചത്. ഇന്ധന വില വർധനവിനെതിരെ മാർച്ച് 15 ന് ട്രേഡ് യൂണിയനുകളുടെ സഹകരണത്തോടെ പ്രതിഷേധ ദിനം ആചരിക്കാനും സംഘടനകൾ തീരുമാനിച്ചു. കർഷകർ സമരം തുടരുകയും കേന്ദ്രസർക്കാർ അത് വകവെക്കാതെ മുന്നോട്ട് പോവുകയും ചെയ്യുകയാണ്. ഈ സാഹചര്യത്തിൽ വിഷയത്തിൽ പ്രത്യേക ചർച്ച ആവശ്യപ്പെട്ട് പ്രതിപക്ഷം രംഗത്തെത്തിയത് ഇന്ന് പാർലമെന്റിന്റെ ഇരുസഭകളും പ്രക്ഷുബ്ധമാകാൻ കാരണമായി. ലോക്സഭയിലും രാജ്യസഭയിലും നടപടികൾ തുടങ്ങിയപ്പോൾ തന്നെ പ്രതിപക്ഷം ഇക്കാര്യം ആവശ്യപ്പെട്ടു. കർഷക സമരം നേരത്തെ വിശദമായി സഭയിൽ ചർച്ചയായതാണെന്ന് വ്യക്തമാക്കി സർക്കാർ  പ്രതിപക്ഷ ആവശ്യത്തെ എതിർത്തു.