'വിജയ് ഉണരുന്നത് 11 മണിക്ക്, ടിവികെ ഓഫീസിൽ വരുന്നത് അത്യപൂർവം, രാഷ്ട്രീയത്തെ ​ഗൗരവമായി കാണുന്നില്ല': വിജയ്‍ക്കെതിരെ തുറന്നടിച്ച് രഞ്ജന നാച്ചിയാർ

യുവ ആരാധകരെ ഓർത്ത് തനിക്ക്‌ ആശങ്കയുണ്ട്. യുവാക്കൾ വിജയ്‍യെ അന്ധമായി വിശ്വസിക്കുന്നുണ്ടെന്നും അവർ നിരാശരാകുമെന്ന് താൻ ഭയപ്പെടുന്നു എന്നും രഞജന ഏഷ്യാനെറ്റ് ന്യൂസിനോട് പറഞ്ഞു.

ചെന്നൈ: ടിവികെ അധ്യക്ഷൻ വിജയ്ക്കെതിരെ തുറന്നടിച്ച് നടിയും ടിവികെ മുൻ നേതാവുമായ രഞ്ജിന നാച്ചിയാർ. വിജയ്ക്ക് നേതൃ​ഗുണം ഇല്ലെന്നും രാഷ്ട്രീയത്തെ ​ഗൗരവമായി കാണുന്നില്ലെന്നും രഞ്ജന ഏഷ്യാനെറ്റ് ന്യൂസിനോട് പറഞ്ഞു. ടിവികെ വിടാൻ കാരണം വിജയ്‍യുടെ നിസ്സംഗതയാണെന്നും വിജയ്ക്ക് നേതൃഗുണം ഇല്ലെന്നും രൂക്ഷഭാഷയിൽ കുറ്റപ്പെടുത്തിയ രഞ്ജന വിജയ് എഴുന്നേൽക്കുന്നത് 11 മണിക്കാണെന്നും കൂട്ടിച്ചേർത്തു. 7 മണിക്കൂർ പോലും പാർട്ടികാര്യങ്ങളിൽ ശ്രദ്ധിക്കില്ല. ടിവികെ ഓഫീസിൽ വരുന്നത് അത്യപൂർവമായിട്ടാണ്. നേതാക്കൾക്ക് വിജയ്‍യെ കാണാൻ പറ്റില്ലെന്നും രഞ്ജന നാച്ചിയാർ ഏഷ്യാനെറ്റ് ന്യൂസിനോട് വ്യക്തമാക്കി. ടോക്സിക് ആയ ആളുകളാണ് വിജയ്ക്ക് ചുറ്റമുള്ളത്. ആളുകളെ മനസിലായിട്ടും വിജയ് അവരെ മാറ്റുന്നില്ലെന്നും രഞ്ജന കുറ്റപ്പെടുത്തി. യുവ ആരാധകരെ ഓർത്ത് തനിക്ക്‌ ആശങ്കയുണ്ട്. യുവാക്കൾ വിജയ്‍യെ അന്ധമായി വിശ്വസിക്കുന്നുണ്ടെന്നും അവർ നിരാശരാകുമെന്ന് താൻ ഭയപ്പെടുന്നു എന്നും രഞജന ഏഷ്യാനെറ്റ് ന്യൂസിനോട് പറഞ്ഞു.