വൈ കെ സിൻഹ മുഖ്യ വിവരാവകാശ കമ്മീഷണറാകും, തീരുമാനത്തിൽ വിയോജിച്ച് പ്രതിപക്ഷം

ലോക്‌സഭയിലെ കോൺഗ്രസ് നേതാവ് അധിർ രഞ്ജൻ ചൗധരി നിയമനങ്ങളിൽ വിയോജനക്കുറിപ്പ് നൽകുകയായിരുന്നു

ദില്ലി: മുഖ്യ വിവരാകാശ കമ്മീഷണറെയും രണ്ട് കമ്മീഷണർമാരെയും നിയമിക്കുന്നതിൽ പ്രതിപക്ഷം വിയോജിപ്പ് രേഖപ്പെടുത്തി. ഐഎഫ്‌എസ് ഉദ്യോഗസ്ഥനായിരുന്ന വൈകെ സിൻഹ പുതിയ മുഖ്യ വിവരാവകാശ കമ്മീഷണറാകും. ഉദയ് മഹുർക്കർ, സരോജ് പുൻഹാനി എന്നിവരെയാണ് കമ്മീഷണർമാരായി നിശ്ചയിച്ചിരിക്കുന്നത്. പ്രധാനമന്ത്രി നരേന്ദ്ര മോദി അദ്ധ്യക്ഷനായ സമിതിയിൽ ഭൂരിപക്ഷ തീരുമാനത്തിന്റെ അടിസ്ഥാനത്തിലാണ് ഇവരുടെ നിയമനം തീരുമാനിച്ചത്. എന്നാൽ ലോക്‌സഭയിലെ കോൺഗ്രസ് നേതാവ് അധിർ രഞ്ജൻ ചൗധരി നിയമനങ്ങളിൽ വിയോജനക്കുറിപ്പ് നൽകുകയായിരുന്നു.