മഴയില് മുങ്ങി മുംബൈ; ട്രെയിന് സര്വീസുകള് നിര്ത്തി, വെള്ളക്കെട്ടില് വലഞ്ഞ് നഗരം
Synopsis
മഴയെത്തുടര്ന്ന് 15 ട്രെയിന് സര്വീസുകള് നിര്ത്തി വച്ചു. വരുന്ന രണ്ട് മണിക്കൂര് കൂടി മഴ തുടരുമെന്ന് കാലാവസ്ഥാ നിരീഷണ കേന്ദ്രം
മുംബൈ: ശക്തമായി തുടരുന്ന മഴയില് മുങ്ങി മുംബൈ നഗരം. മഴയില് രാവിലെ മുതല് മുംബൈയിലെയും സമീപ പ്രദേശങ്ങളിലെയും വാഹന ഗതാഗതം തടസ്സപ്പെട്ടു. വെള്ളക്കെട്ടുകള് രൂപപ്പെട്ടതോടെ വാഹനങ്ങള്ക്ക് കടന്ന് പോകാനാകാത്ത അവസ്ഥയാണ്. ഇന്നലെ രാത്രിയില് തുടങ്ങിയ മഴ ഇപ്പോഴും തുടരുകയാണ്. മഴയെ തുടര്ന്ന് 15 ട്രെയിന് സര്വീസുകള് നിര്ത്തി വച്ചു. വരുന്ന രണ്ട് മണിക്കൂര് കൂടി മഴ തുടരുമെന്ന് കാലാവസ്ഥാ നിരീഷണ കേന്ദ്രം അറിയിച്ചു.
സിയോണ് റയില്വെ സ്റ്റേഷനില് വെള്ളം കയറി. ഇതിലൂടെയുള്ള ട്രെയിന് സര്വീസുകള് താത്കാലികമായി നിര്ത്തി വച്ചു.
കഴിഞ്ഞ 24 മണിക്കൂറില് താനെ ബെലാപൂരില് 111 മില്ലി മീറ്റര് മഴ പെയ്തതായി കാലാവസ്ഥാ നിരീഷണ കേന്ദ്രം വ്യക്തമാക്കി. ശക്തമായ കാറ്റില് സാമഗ്രികള് വീണതിനെ തുടര്ന്ന് നിര്മ്മാണ ജോലികള് പുരോഗമിക്കുകയായിരുന്ന മുംബൈയിലെ മറൈന് ലൈന്സിലുടെയുള്ള ട്രെയിന് സര്വീസ് താത്കാലികമായി നിര്ത്തി വച്ചു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam