പഞ്ചാബ് മുഖ്യമന്ത്രിക്ക് വീണ്ടും തിരിച്ചടി, പ്രഖ്യാപനവുമായി സിഖ് പുരോഹിതർ; ഭ​ഗവന്ത് മാൻ സിഖ് വിരോധിയെന്ന് അകാൽ തഖ്ത്

ഭ​ഗവന്ത് മാൻ പാസാക്കിയ ബില്ലിൽ ഒപ്പിട്ട സിഖ് എംഎൽഎമാർ അകാൽ തഖ്തിൽ ഹാജരാകണമെന്നും പുരോഹിത കൂട്ടായ്മ ഇന്ന് ചേർന്ന യോ​ഗത്തിൽ പ്രമേയം പാസാക്കി.

ഹരിയാന: പഞ്ചാബ് മുഖ്യമന്ത്രി ഭ​ഗവന്ത് സിം​ഗ് മാന് വീണ്ടും തിരിച്ചടി. ഭ​ഗവന്ത് മാൻ സിഖ് വിരോധിയാണെന്ന് സിഖ് മതസ്ഥരുടെ പരമോന്നത സമിതിയായ അകാൽ തഖ്ത് പ്രഖ്യാപിച്ചു. സമൂഹമാധ്യമങ്ങളിൽ ഭ​ഗവന്ത്മാൻ മദ്യപിച്ച് ലക്കുകെട്ട് മോശമായി പെരുമാറുന്ന ദൃശ്യങ്ങൾ പ്രചരിച്ചിരുന്നു. ഇതിലാണ് അകാൽ തഖ്തിന്റെ നടപടി. ജനുവരിയിൽ അകാൽതഖ്തിന് മുന്നിൽ ഹാജരായ ഭ​ഗവന്ത് മാൻ ദൃശ്യങ്ങൾ എഐ നിർമ്മിതമാണെന്ന് വിശദീകരണം നൽകിയിരുന്നു. ഭ​ഗവന്ത് മാൻ പാസാക്കിയ ബില്ലിൽ ഒപ്പിട്ട സിഖ് എംഎൽഎമാർ അകാൽ തഖ്തിൽ ഹാജരാകണമെന്നും പുരോഹിത കൂട്ടായ്മ ഇന്ന് ചേർന്ന യോ​ഗത്തിൽ പ്രമേയം പാസാക്കി. നേരത്തെ നിയമസഭയിലും മുഖ്യമന്ത്രി മദ്യപിച്ചെത്തിയത് വലിയ വിവാദമായിരുന്നു. അടുത്ത വർഷമാണ് പഞ്ചാബിൽ നിയമസഭാ തെരഞ്ഞെടുപ്പ്.