ആളുകൾ നോക്കി നിൽക്കെ കൂറ്റൻ കെട്ടിടം റോഡിലേക്ക് നിലം പൊത്തി, വിറങ്ങലിച്ച് ദില്ലി -വീഡിയോ

കെട്ടിടം തകർന്നുവീഴാനുള്ള കാരണം വ്യക്തമല്ലെന്ന് പൊലീസ് ഉദ്യോ​ഗസ്ഥർ പറഞ്ഞു.

ദില്ലി: ദില്ലിയിൽ ആളുകൾ നോക്കി നിൽക്കെ റോഡിലേക്ക് കൂറ്റൻ കെട്ടിടം തകർന്നു വീണു. സംഭവത്തിന്റെ വീഡിയോ ദൃശ്യങ്ങൾ വൈറലായി. ഭജൻപുര ഏരിയയിലാണ് സംഭവം. ആളുകൾ ഒഴിഞ്ഞുമാറിയതിനാൽ ആർക്കും പരിക്കില്ലെന്നാണ് സൂചന. കൂടുതൽ വിശദാംശങ്ങൾ ലഭ്യമായിട്ടില്ല. കെട്ടിടം തകർന്നുവീഴാനുള്ള കാരണം വ്യക്തമല്ലെന്ന് പൊലീസ് ഉദ്യോ​ഗസ്ഥർ പറഞ്ഞു. ഉച്ചക്ക് ശേഷം 3.15നാണ് പൊലീസിന് വിവരം ലഭിച്ചത്. തുടർന്ന് ഫയർഫോഴ്സ് സ്ഥലത്തെത്തി. കെട്ടിടാവശിഷ്ടങ്ങൾ നീക്കുന്ന ജോലി തുടരുകയാണ്. മാർച്ച് ഒന്നിന് റോഷനാര റോഡിൽ നാല് നില കെട്ടിടത്തിന് തീപിടിച്ചിരുന്നു.