രാത്രി തനിച്ച് യാത്ര ചെയ്യുന്ന സ്ത്രീകള്ക്ക് ധൈര്യമായി ഇവിടേക്ക് വിളിക്കാം; മാതൃകയായി ഒരു പൊലീസ് സ്റ്റേഷന്
Synopsis
സ്ത്രീകള്ക്കെതിരെയുള്ള അതിക്രമങ്ങള് വര്ധിച്ചുവരുന്ന പശ്ചാത്തലത്തില് സ്ത്രീസുരക്ഷയ്ക്ക് കാര്യക്ഷമമായ മാര്ഗവുമായി ഒരു പൊലീസ് സ്റ്റേഷന്.
ഗഡാഗ്: സ്ത്രീകള്ക്കെതിരായ അതിക്രമങ്ങള് രാജ്യത്ത് അനുദിനം വര്ധിച്ചു വരുമ്പോള് സ്ത്രീകള്ക്ക് സംരക്ഷണം നല്കാന് പുതിയ മാര്ഗവുമായി ഒരു പൊലീസ് സ്റ്റേഷന്. കര്ണാടകയിലെ ഗഡാഗിലെ പ്രാദേശിക പൊലീസാണ് രാത്രി 10 നും രാവിലെ ആറിനും ഇടയില് തനിച്ച് യാത്ര ചെയ്യേണ്ടി വരുന്ന സ്ത്രീകളുടെ സുരക്ഷ ഉറപ്പാക്കാനായി സൗജന്യ യാത്രാ സേവനം ഒരുക്കിയത്.
രാത്രിയില് തനിച്ച് യാത്ര ചെയ്യേണ്ടി വരുന്ന സ്ത്രീകള്ക്ക് പൊലീസ് സ്റ്റേഷനുകളിലേക്കോ ടോള് ഫ്രീ നമ്പരിലേക്കോ വിളിച്ച് സഹായം ആവശ്യപ്പെടാം. ഉടന് തന്നെ പൊലീസ് അവിടെയെത്തി സ്ത്രീകളെ പോകേണ്ട സ്ഥലത്ത് എത്തിക്കുമെന്ന് ഗഡാഗ് എസ്പി പറഞ്ഞതായി ഡിഎന്എ റിപ്പോര്ട്ട് ചെയ്തു. സ്ത്രീകള്ക്ക് കാര്യക്ഷമമായ രീതിയില് സംരക്ഷണം നല്കണമെന്ന ആവശ്യം ഉന്നയിച്ച് രാജ്യത്തുടനീളം പ്രതിഷേധങ്ങള് നടക്കുന്ന സാഹചര്യത്തില് ഗഡാഗ് പൊലീസിന്റെ മാതൃകാപരമായ ഇടപെടലിന് കയ്യടിക്കുകയാണ് നാട്ടുകാരും സാമൂഹിക മാധ്യമങ്ങളും.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam