ദീർഘദൂര ബാലിസ്റ്റിക് മിസൈലായ അഗ്നി-IV വിജയകരമായി പരീക്ഷിച്ച് ഇന്ത്യ

ആണവായുധ ശേഷിയുള്ള ദീർഘദൂര ബാലിസ്റ്റിക് മിസൈൽ പരീക്ഷണം വിജയമെന്ന് പ്രതിരോധ മന്ത്രാലയം; 4,000 കിലോമീറ്റർ അകലെയുള്ള ലക്ഷ്യം ഭേദിക്കാനാകും

ദില്ലി: ആണവായുധ ശേഷിയുള്ള ദീർഘദൂര ബാലിസ്റ്റിക് മിസൈൽ, അഗ്നി-IV ഇന്ത്യ വിജയകരമായി പരീക്ഷിച്ചു. 4,000 കിലോമീറ്റർ അകലെയുള്ള ലക്ഷ്യം ഭേദിക്കാൻ ശേഷിയുള്ളതാണ് മിസൈൽ. ഒഡീഷയിലെ എപിജെ അബ്ദുൾ കലാം ദ്വീപ് തീരത്ത് നിന്നാണ് മിസൈൽ പരീക്ഷിച്ചത്. അഗ്നി-IVന്റെ പരീക്ഷണം വിജയമെന്ന് പ്രതിരോധ മന്ത്രാലയം വ്യക്തമാക്കി. 

അഗ്നി-IVന്റെ സവിശേഷതകൾ

* സ്വയം ഗതി നിർ‍ണയിക്കാൻ ശേഷി

* കൃത്യതയോടെ ലക്ഷ്യം ഭേദിക്കാനുള്ള കഴിവ്

* ഭൂതല-ഭൂതല മിസൈൽ (Surface to Surface)

* പൂർണമായും തദ്ദേശീയമായി വികസിപ്പിച്ചെടുത്തത്

* 20 മീറ്റർ നീളം, 17 ടൺ ഭാരം

* 4,000 കിലോമീറ്റർ ദൂരത്തേക്ക് ഒരു ടൺ ആണവായുധം എത്തിക്കാനാകും

* നിലവിൽ സേനയുടെ ഭാഗം