ഇന്ത്യക്കാരന് യാത്രക്കിടെ മരിച്ചു; വിമാനം അടിയന്തരമായി ഇറക്കി
Synopsis
ബുധനാഴ്ച ഇത്തിഹാദ് വിമാനത്തില് മൃതദേഹം നാട്ടിലെത്തിക്കും.
അബൂദബി: യാത്രക്കിടെ ഇന്ത്യന് സ്വദേശി വിമാനത്തിനുള്ളില്വച്ച് മരിച്ചതിനെ തുടര്ന്ന് ദില്ലി-മിലാന് വിമാനം അടിയന്തരമായി അബൂദബിയില് ഇറക്കിയതായി ഇന്ത്യന് എംബസി അറിയിച്ചു. രാജസ്ഥാന് സ്വദേശി കൈലാഷ് ചന്ദ്ര സെയ്നി(52) ആണ് മരിച്ചത്. 26കാരനായ മകന് ഹീര ലാലും ഒപ്പമുണ്ടായിരുന്നു.
മൃതദേഹം മഫ്രാഖ് ആശുപത്രിയിലേക്ക് മാറ്റി. ഔദ്യോഗിക നടപടികള് പൂര്ത്തിയായെന്നും നാട്ടിലെത്തിക്കാന് നടപടി സ്വീകരിക്കുമെന്നും അധികൃതര് അറിയിച്ചു. ബുധനാഴ്ച ഇത്തിഹാദ് വിമാനത്തില് മൃതദേഹം നാട്ടിലെത്തിക്കും.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam