ഭാരത് ബന്ദിന് പിന്തുണ പ്രഖ്യാപിച്ച് കമൽഹാസൻ; കർഷകസമരത്തിൽ മക്കൾ നീതി മയ്യം പങ്കുചേരും

മക്കൾ നീതി മയ്യം കർഷക സമരത്തിൽ ഭാഗമാകും. കർഷക സമരത്തിന് പിന്തുണ അറിയിച്ച് ഒരുസംഘം മക്കൾ നീതി മയ്യം പ്രവർത്തകർ സമരവേദിയിൽ എത്തിയെന്നും കമൽഹാസൻ പറഞ്ഞു.

ചെന്നൈ: ഭാരത് ബന്ദിന് പിന്തുണ പ്രഖ്യാപിച്ച് നടനും മക്കൾ നീതി മയ്യം നേതാവുമായ കമൽഹാസൻ. മക്കൾ നീതി മയ്യം കർഷക സമരത്തിൽ ഭാഗമാകും. കർഷക സമരത്തിന് പിന്തുണ അറിയിച്ച് ഒരുസംഘം മക്കൾ നീതി മയ്യം പ്രവർത്തകർ സമരവേദിയിൽ എത്തിയെന്നും കമൽഹാസൻ പറഞ്ഞു.

ചൊവ്വാഴ്ചത്തെ ഭാരത് ബന്ദ് സമാധാനപരമായിരിക്കുമെന്ന് കർഷക സംഘടനകൾ അറിയിച്ചിട്ടുണ്ട്. അവശ്യ സർവ്വീസുകളെ ബന്ദിൽ നിന്ന് ഒഴിവാക്കി. വിവാഹസംഘങ്ങളെയും തടയില്ല. ദില്ലിയിലേക്കുള്ള എല്ലാ വഴികളും ഉപരോധിക്കുമെന്നും കർഷകസംഘടനകൾ അറിയിച്ചു. നിയമം പിൻവലിക്കുക തന്നെ വേണമെന്നാണ് സംഘടനകളുടെ നിലപാട്.