തിങ്കളാഴ്ച വൈകുന്നേരം ശ്രീശിയാലിന്റെ വീട്ടിൽ നിന്ന് ദുർഗന്ധം വമിച്ചതോടെയാണ് സംഭവം പുറംലോകം അറിയുന്നത്. തുടർന്ന് പ്രദേശവാസികൾ പൊലീസിൽ വിവരം അറിയിച്ചു.
ബെംഗളൂരു: ഭാര്യയെ കഴുത്തുഞെരിച്ച് കൊലപ്പെടുത്തിയ ശേഷം മൃതദേഹം മൂന്ന് ദിവസം വീട്ടിൽ സൂക്ഷിച്ച് ഭർത്താവ്. അലന്ദ് താലൂക്കിലെ മദനാഹിപ്പരാഗ ഗ്രാമത്തിലാണ് സംഭവം. ശ്രീശിയാൽ എന്നയാളാണ് ഭാര്യ സംഗീത സക്കറേജയെ കൊലപ്പെടുത്തിയത്.
മകനെ കൊലക്ക് സഹായിച്ചതിൽ ശ്രീശിയാലിന്റെ അമ്മ പാർവതിക്കും പങ്കുള്ളതായി പൊലീസ് സംശയിക്കുന്നുണ്ട്. സംഗീതയുടെ മൃതദേഹം ഇയാൾ കട്ടിലിടയിൽ സൂക്ഷിച്ചിരിക്കുകയായിരുന്നു. തിങ്കളാഴ്ച വൈകുന്നേരം ശ്രീശിയാലിന്റെ വീട്ടിൽ നിന്ന് ദുർഗന്ധം വമിച്ചതോടെയാണ് സംഭവം പുറംലോകം അറിയുന്നത്.
തുടർന്ന് പ്രദേശവാസികൾ പൊലീസിൽ വിവരം അറിയിച്ചു. പൊലീസ് സ്ഥലത്തെത്തി വീട് തുറന്നപ്പോൾ കണ്ടത് അഴുകിയ സംഗീതയുടെ മൃതദേഹമായിരുന്നു. തുടർന്ന് ശ്രീശിയാലിനെ പൊലീസ് അറസ്റ്റ് ചെയ്തു.