അസാധാരണ വിവാഹത്തിന്‍റെ ഞെട്ടലിൽ നാട്ടുകാർ; ഭാര്യയുടെ അമ്മയെ കോടതിയിലെത്തി വിവാഹം കഴിച്ച് യുവാവ്, വീഡിയോ വൈറൽ

ഉത്തർപ്രദേശിലെ കാൻപൂരിൽ ഒരു യുവാവ് സ്വന്തം ഭാര്യാമാതാവിനെ കോടതിയിൽ വെച്ച് നിയമപരമായി വിവാഹം കഴിച്ചു. ഇരുവരും വിവാഹ സർട്ടിഫിക്കറ്റുമായി നിൽക്കുന്ന ദൃശ്യങ്ങൾ സോഷ്യൽ മീഡിയയിൽ വൈറലായതോടെയാണ് സംഭവം പുറത്തറിഞ്ഞത്. ഈ അസാധാരണ ബന്ധം സമൂഹത്തിൽ വലിയ ചർച്ചകൾക്ക് വഴിവെച്ചിരിക്കുകയാണ്.

കാൻപൂർ: ഉത്തർപ്രദേശിലെ കാൻപൂരിൽ നിന്നുള്ള ഒരു അപൂർവ്വ വിവാഹ വാർത്തയാണ് ഇപ്പോൾ സോഷ്യൽ മീഡിയയെ അമ്പരിപ്പിക്കുന്നത്. സ്വന്തം ഭാര്യയുടെ അമ്മയെ കോടതിയിലെത്തി നിയമപരമായി വിവാഹം കഴിച്ച ഒരു യുവാവാണ് ഇപ്പോൾ ഇവിടുത്തെ പ്രധാന ചർച്ചാവിഷയം. ഇരുവരും കോടതിയിൽ വെച്ച് പരസ്പരം മാല ചാർത്തുന്നതിന്റെയും വിവാഹ സർട്ടിഫിക്കറ്റ് കൈയ്യിലേന്തി നിൽക്കുന്നതിന്‍റെയും ദൃശ്യങ്ങൾ സാമൂഹിക മാധ്യമങ്ങളിൽ പങ്കുവെച്ചതോടെയാണ് സംഭവം പുറംലോകമറിഞ്ഞതും നിമിഷനേരം കൊണ്ട് വൈറലായതും.

ഭാര്യാമാതാവും മരുമകനും തമ്മിലുള്ള ഈ അസാധാരണ ബന്ധത്തെക്കുറിച്ചുള്ള വീഡിയോ പുറത്തുവന്നതോടെ കടുത്ത പ്രതികരണങ്ങളുമായാണ് ജനങ്ങൾ രംഗത്തെത്തിയിരിക്കുന്നത്. ഇരുവരും തമ്മിൽ ഏറെ നാളായി പ്രണയത്തിലായിരുന്നുവെന്നും പരസ്പര സമ്മതത്തോടെയാണ് ഒന്നിച്ച് ജീവിക്കാൻ തീരുമാനിച്ചതെന്നും വ്യക്തമാക്കുന്ന റിപ്പോർട്ടുകൾ പ്രചരിക്കുന്നുണ്ടെങ്കിലും ഇതിൽ ഔദ്യോഗികമായ സ്ഥിരീകരണങ്ങളൊന്നും ഇതുവരെ ലഭ്യമായിട്ടില്ല.

एक मां अपनी बेटी की घर कैसे तोड़ सकती है ऐसी मां को मां कहलाने का हक भी नहीं बनता।

इन्होंने तो रिश्तों की सारी परिभाषा को शर्मसार कर दिया। 
उत्तर प्रदेश के कानपुर से एक ऐसा मामला सामने आया है जिसे हर किसी को हैरान कर दिया। 
बताया जा रहा है कि एक साथ अपने दामाद के साथ घर छोड़कर… pic.twitter.com/qLSomddpuC

— R.k .yadav (@Preeti7739) June 8, 2026

ഈ വിവാഹവുമായി ബന്ധപ്പെട്ട് കുടുംബാംഗങ്ങളോ മറ്റാരെങ്കിലുമോ ഇതുവരെ പൊലീസിൽ നിയമപരമായ പരാതികളൊന്നും നൽകിയിട്ടില്ലെന്നാണ് അറിയാൻ സാധിക്കുന്നത്. എങ്കിലും പരമ്പരാഗത കുടുംബ ബന്ധങ്ങളുടെ മൂല്യങ്ങളെ ചോദ്യം ചെയ്യുന്ന ഈ സംഭവം പ്രാദേശികവാസികൾക്കിടയിലും വലിയ തോതിലുള്ള ചർച്ചകൾക്ക് വഴിതുറന്നിരിക്കുകയാണ്.