മണിപ്പൂര് വെടിവെപ്പ്; കൊലപാതക ശ്രമത്തിന് യുവമോർച്ച മുൻ സംസ്ഥാന അധ്യക്ഷന് അറസ്റ്റിൽ
Synopsis
ഇംഫാല് പൊലീസ് സ്റ്റേഷന് പരിധിയില് രാത്രിയിലാണ് വെടിവെപ്പുണ്ടായത്. വെടിവെപ്പിലെ മുഖ്യപ്രതിയാണ് ബിരാഷ് ശര്മ്മയെന്ന് പൊലീസ് പറഞ്ഞു
ദില്ലി: മണിപ്പൂര് സംഘര്ഷത്തിനിടെ വെടിവെപ്പ് കേസുമായി ബന്ധപ്പെട്ട് യുവമോര്ച്ച മുന് നേതാവിനെ മണിപ്പൂര് പൊലീസ് അറസ്റ്റ് ചെയ്തു. മുന് യുവമോര്ച്ച മണിപ്പൂര് സംസ്ഥാന അധ്യക്ഷന് മനോഹർമ ബാരിഷ് ശർമ്മയാണ് അറസ്റ്റിലായത്. ഇംഫാലിൽ ഒക്ടോബർ 14 ന് നടന്ന വെടിവെപ്പുമായി ബന്ധപ്പെട്ടാണ് ഇയാളെ അറസ്റ്റ് ചെയ്തതെന്ന് പൊലീസ് അറിയിച്ചു. സംഭവത്തിൽ അഞ്ച് പേർക്ക് പരിക്കേറ്റിരുന്നു. ഇംഫാല് പൊലീസ് സ്റ്റേഷന് പരിധിയില് രാത്രിയിലാണ് വെടിവെപ്പുണ്ടായത്. വെടിവെപ്പിലെ മുഖ്യപ്രതിയാണ് ബിരാഷ് ശര്മ്മയെന്ന് പൊലീസ് പറഞ്ഞു.
വെടിവെപ്പില് പരിക്കേറ്റ അഞ്ചു പേരില് ഒരു സ്ത്രീയും ഉള്പ്പെടും. മണിപ്പൂരില് ഇരുവിഭാഗങ്ങള് തമ്മിലുള്ള സംഘര്ഷം തുടരുന്നതിനിടെയാണ് ഒക്ടോബര് 14ന് വെടിവെപ്പുണ്ടായത്. ഇത് തുടര്ന്നുള്ള അക്രമങ്ങള്ക്കും വഴിവെച്ചു. ഇംഫാല് വെസ്റ്റ് ജില്ല മജിസ്ട്രേറ്റ് കോടതിയില് ഹാജരാക്കിയ ബാരിഷ് ശര്മ്മയെ ഒക്ടോബര് 25വരെ റിമാന്ഡ് ചെയ്തു. കേസെടുത്തിരിക്കുന്നത്. ഇതിനിടെ, മ്യാൻമാർ അതിർത്തിയായ മൊറേയിൽ അധിക സേനയെ വിന്യസിച്ചതിനെതിരെ കുക്കി സ്ത്രീകൾ പ്രതിഷേധവുമായി രംഗത്തെത്തി. സേനയിൽ കൂടുതൽ പേർ മെയ്തെകളെന്ന് കുക്കിസംഘടനകള് ആരോപിച്ചു. വെടിവെപ്പ് കേസില് ഇതുവരെ മൂന്നുപേരെയാണ് അറസ്റ്റ് ചെയ്തിട്ടുള്ളത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam