ആശുപത്രിയിൽ നിന്നും കാണാതായ പെൺകുട്ടിയുടെ മൃതദേഹം പുഴയിൽ കണ്ടെത്തി; അസ്വഭാവികമെന്ന് പൊലീസ്

കഴിഞ്ഞ ആഴ്ചയാണ് കോട്ടയിലെ ആശുപത്രിയിൽ ചികിത്സയിലായിരുന്ന ​രഹനയെ കാണാതായത്.  

ജയ്പൂർ: ആശുപത്രിയിൽ നിന്നും കാണാതായ പെൺകുട്ടിയുടെ മൃതദേഹം പുഴയിൽ നിന്നും കണ്ടെത്തി. രാ​ജ​സ്ഥാ​നിലെ കോ​ട്ട​യി​ലാ​ണ് സം​ഭ​വം. രഹന(18) എന്ന പെൺകുട്ടിയുടെ മൃതദേഹമാണ് ചമ്പൽ പുഴയിൽ നിന്നും കണ്ടെത്തിയത്. കഴിഞ്ഞ ആഴ്ചയാണ് കോട്ടയിലെ ആശുപത്രിയിൽ ചികിത്സയിലായിരുന്ന ​രഹനയെ കാണാതായത്.

മുനിസിപ്പാലിറ്റി ജീവനക്കാരാണ് രഹനയുടെ മൃതദേഹം പുഴയിൽ ഒഴുകി നടക്കുന്ന നിലയിൽ കണ്ടെത്തിയത്. മൃതദേഹത്തിന് മൂന്നു ദിവസത്തെ പഴക്കമുണ്ടെന്ന് പൊലീസ് പറഞ്ഞു. രഹനയെ കാണാതായതിനെ തുടർന്ന് കുടുംബം നയാപുര പൊലീസിൽ പരാതി നൽകിയിരുന്നു. അന്വേഷണം പുരോ​ഗമിക്കവേയാണ് മൃതദേഹം കണ്ടെത്തിയത്.

സംഭവത്തിൽ അസ്വഭാവിക മരണത്തിന് പൊലീസ് കേസെടുത്തു. പോസ്റ്റ് മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറുമെന്ന് പൊലീസ് അറിയിച്ചു.