രാജീവ് ​ഗാന്ധിക്കെതിരായ മോദിയുടെ പരാമർശം ‌അസംബന്ധമാണെന്ന് ശ​ര​ദ്​ പ​വാ​ർ

ജീ​വി​ച്ചി​രി​പ്പി​ല്ലാ​ത്ത രാ​ജീ​വ്​ ഗാ​ന്ധി​യെ ഒ​ന്നാം​ നമ്പർ അ​ഴി​മ​തി​ക്കാ​ര​ൻ എ​ന്ന്​ വി​ളി​ച്ച​ത്​ അ​ങ്ങേ​യ​റ്റം നി​ർ​ഭാ​ഗ്യ​ക​ര​മാ​ണെന്ന് ശരദ് പവാർ പറഞ്ഞു.

മുംബൈ: അന്തരിച്ച മുൻ പ്രധാനമന്ത്രി രാജീവ് ​ഗാന്ധി അഴിമതിക്കാരനാണെന്ന പ്രധാനമന്ത്രി നരേന്ദ്രമോദിയുടെ പരാമർശത്തെ രൂക്ഷമായി വിമർശിച്ച് എൻസിപി അധ്യക്ഷൻ ശരദ് പവാർ. രാജീവ് ​ഗാന്ധിക്കെതിരായ മോദിയുടെ പരാമർശം അത്യന്തം അസംബന്ധവും ലജ്ജാകരവുമാണെന്ന് ശരദ് പവാർ പറഞ്ഞു. പ്രധാനമന്ത്രിസ്ഥാനം വഹിക്കുന്ന ഒരാൾക്ക് യോജിക്കാത്ത പരാമർശമാണ് മോദി നടത്തിയതെന്നും പവാർ കൂട്ടിച്ചേർത്തു. 

രാജീവ് ​ഗാന്ധിയുടെ മരണം അത്യന്തം വേദനാജനകമായ ഒന്നാണ്. രണ്ട് പ്രധാനമന്ത്രിമാരെ രാജ്യത്തിനു വേണ്ടി സമർപ്പിച്ച കുടുംബമാണത്. ഇന്ദിരാ ​ഗാന്ധിയും രാജീവ് ​ഗാന്ധിയും ദാരുണമായാണ് കൊല്ലപ്പെട്ടത്. വിലമതിക്കാനാകാത്ത സംഭാവനകളാണ് അവർ ഇരുവരും നാടിന് വേണ്ടി നൽകിയിട്ടുള്ളതെന്നും മ​ഹാ​രാ​ഷ്​​ട്ര​യി​ലെ സ​താ​റ​യി​ൽ ക​ർ​മ​വീ​ർ ഭാ​വു​റാ​വു പാ​ട്ടീ​ൽ അ​നു​സ്​​മ​ര​ണ യോ​ഗ​ത്തി​ൽ പവാർ പറഞ്ഞു.

ജീ​വി​ച്ചി​രി​പ്പി​ല്ലാ​ത്ത രാ​ജീ​വ്​ ഗാ​ന്ധി​യെ ഒ​ന്നാം​ നമ്പർ അ​ഴി​മ​തി​ക്കാ​ര​ൻ എ​ന്ന്​ വി​ളി​ച്ച​ത്​ അ​ങ്ങേ​യ​റ്റം നി​ർ​ഭാ​ഗ്യ​ക​ര​മാ​ണ്. പ്ര​ധാ​ന​മ​ന്ത്രിപ​ദ​ത്തെ ത​രം​താ​ഴ്​​ത്തു​ന്ന വി​ധമുള്ള മോ​ദി​യു​ടെ വാ​ക്കു​ക​ൾ രാ​ഷ്​​ട്രീ​യ​ഭാ​വി​ക്ക്​ ഭീ​ഷ​ണി​യാ​ണെ​ന്നും പ​വാ​ർ പറഞ്ഞു. രാജീവ്‌ ഗാന്ധിയെയും കോണ്‍ഗ്രസിനെയും പിടിച്ചുലച്ച ബൊഫേഴ്‌സ്‌ കേസിനെ പരാമര്‍ശിച്ചായിരുന്നു മോദിയുടെ ആരോപണം.