21,000 രൂപ വേതനം നൽകണം; ആശാ വര്ക്കര്മാരുടെ പ്രതിസന്ധി പാര്ലമെന്റിൽ ഉന്നയിച്ച് കേരളത്തിൽ നിന്നുള്ള എംപിമാർ
Synopsis
സമരം ചെയ്യുന്ന ആശമാരെ ട്രേഡ് യൂണിയന് നേതാക്കള് അപമാനിക്കുകയാണെന്നും കെ.സി വേണുഗോപാല് പാർലമെന്റിലെ പ്രസംഗത്തിനിടെ പറഞ്ഞു
ദില്ലി: ആശാ വര്ക്കര്മാരുടെ പ്രതിസന്ധി പാര്ലമെന്റിൽ ഉന്നയിച്ച് കേരളത്തില് നിന്നുള്ള എംപിമാര്. നിലവിലുള്ള 7000 രൂപയ്ക്ക് പകരം ആശാ വർക്കർമാർക്ക് 21,000 രൂപ വേതനവും മറ്റ് വിരമിക്കല് ആനുകൂല്യങ്ങളും നല്കണമെനന്ന് കെ.സി വേണുഗോപാല് എംപി ആവശ്യപ്പെട്ടു. സമരം ചെയ്യുന്ന ആശമാരെ ട്രേഡ് യൂണിയന് നേതാക്കള് അപമാനിക്കുകയാണെന്നും കെ.സി വേണുഗോപാല് പാർലമെന്റിലെ പ്രസംഗത്തിനിടെ പറഞ്ഞു.
പൊതുജനാരോഗ്യ രംഗത്ത് പ്രവര്ത്തിക്കുന്നവരുടെ അവസ്ഥയാണ് തിരുവനന്തപുരത്ത് നടക്കുന്ന ആശാ വർക്കർമാരുടെ സമരം വ്യക്തമാക്കുന്നതെന്നും ആശമാര്ക്ക് സാമ്പത്തിക സുരക്ഷിതത്വം നല്കണമെന്നും ശശി തരൂര് എംപിയും ആവശ്യപ്പെട്ടു. മലയാളത്തില് വിഷയമുന്നയിച്ച വി കെ ശ്രീകണ്ഠന് കേന്ദ്ര സംസ്ഥാന സര്ക്കാരുകളെ കുറ്റപ്പെടുത്തി. കൊടിക്കുന്നിൽ സുരേഷ് എംപിയാണ് ലോക്സഭയിൽ അടിയന്തര പ്രമേയത്തിന് നോട്ടീസ് നൽകിയത്.
രാജ്യസഭയില് വിഷയം അവതരിപ്പിച്ച മുന് ദേശീയ വനിത കമ്മീഷന് അധ്യക്ഷ രേഖ ശര്മ്മ നല്ഡകാനുള്ള കുടിശ്ശിക ആശമാര്ക്ക് നല്കണമെന്നും, പ്രതിമാസ വേതനവും, പെന്ഷനും അനുവദിക്കണമെന്നും ആവശ്യപ്പെട്ടു. സഭയിലുണ്ടായിരുന്ന കേന്ദ്ര മന്ത്രിമാരാരും വിഷയത്തോട് പ്രതികരിച്ചില്ല. ഒരു മാസമായി തിരുവനന്തപുരത്ത് നടന്നുവരുന്ന സമരത്തെ ഇതോടെ ദേശീയ ശ്രദ്ധയിൽ എത്തിച്ചിരിക്കുകയാണ് കേരളത്തിൽ നിന്നുള്ള എംപിമാർ.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam