വിമാനത്തില് എന്സിപി എംപിക്ക് നല്കിയ ആഹാരത്തില് മുട്ടത്തോട്; കാറ്ററിംഗ് കമ്പനിക്ക് പിഴ
Synopsis
ഭാവിയില് ഇത്തരം നടപടികള് ആവര്ത്തിക്കാതിരിക്കാനാണ് പിഴ ചുമത്താന് തീരുമാനിച്ചതെന്ന് എയര് ഇന്ത്യ അധികൃതര് പറഞ്ഞു.
ദില്ലി: എയര് ഇന്ത്യ വിമാനത്തില് യാത്ര ചെയ്യുകയായിരുന്ന എന്സിപി എംപിക്ക് നല്കിയ ഭക്ഷണത്തില് മുട്ടത്തോട്. എംപിയുടെ പരാതിയില് ഭക്ഷണം വിതരണം ചെയ്ത കാറ്ററിംഗ് കമ്പനിക്ക് എയര് ഇന്ത്യ പിഴ ചുമത്തി. പൂനെ - ദില്ലി വിമാനത്തിലാണ് എന്സിപി നേതാവ് യാത്ര ചെയ്തിരുന്നത്.
വന്ദന ചവാന് നല്കിയ ഓംലറ്റിലാണ് മുട്ടത്തോട് കണ്ടത്. മോശം ഭക്ഷണമെന്ന് എയര് ഇന്ത്യക്ക് വന്ദന ഞായറാഴ്ച പരാതി നല്കി. ദില്ലിയില് നിന്ന് പൂനെയിലേക്ക് യാത്ര ചെയ്യുകയായിരുന്നു വന്ദന. സംഭവം ഗൗരവമായെടുത്ത എയര് ഇന്ത്യ ഉടന് തന്നെ പിഴ ചുമത്തി. വിമാനത്തില് അന്ന് നല്കിയ മുഴുവന് ആഹാരത്തിന്റെയും തുകയും ഹാന്റ്ലിംഗ് ചാര്ജുമടക്കമാണ് എയര് ഇന്ത്യ പിഴ ചുമത്തിയത്.
ഭാവിയില് ഇത്തരം നടപടികള് ആവര്ത്തിക്കാതിരിക്കാനാണ് പിഴ ചുമത്താന് തീരുമാനിച്ചതെന്ന് എയര് ഇന്ത്യ അധികൃതര് പറഞ്ഞു. കഴിഞ്ഞ ദിവസം ട്വിറ്ററിലൂടെ വന്ദന സംഭവം പുറംലോകത്തെ അറിയിച്ചിരുന്നു. '' തനിക്ക് നല്കിയ ഓംലറ്റില് മുട്ടത്തോട് ഉണ്ടായിരുന്നു. ഉരുളക്കിഴങ്ങ് കേടുവന്നിരുന്നു. ബീന്സ് വെന്തിരുന്നില്ല'' വന്ദന കുറിച്ചു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam