
ദില്ലി: കേന്ദ്ര ബജറ്റിന് മുന്നോടിയായി പ്രധാനമന്ത്രി നരേന്ദ്രമോദി വിളിച്ച സർവ്വകക്ഷിയോഗത്തിൽ പ്രതിഷേധമറിയിച്ച് പ്രതിപക്ഷ പാർട്ടികൾ. കർഷക സമരത്തോടുള്ള കേന്ദ്രസർക്കാർ നിലപാടിനെതിരെയാണ് പ്രതിപക്ഷ പാർട്ടികൾ പ്രതിഷേധം അറിയിച്ചത്. കോൺഗ്രസ്, തൃണമൂൽ കോൺഗ്രസ്, ശിവസേന, ശിരോമണി അകാലി ദൾ നേതാക്കൾ പ്രതിഷേധം സർവ്വകക്ഷിയോഗത്തിൽ അറിയിച്ചത്.
കർഷകസമരത്തെ കേന്ദ്രസർക്കാർ നേരിടുന്ന രീതി ശരിയല്ലെന്ന പ്രതിപക്ഷ പാർട്ടി പ്രതിനിധികൾ യോഗത്തിൽ തുറന്നടിച്ചു. എന്നാൽ എല്ലാ വിഷയങ്ങളും ചർച്ച ചെയ്യാമെന്ന് പ്രധാനമന്ത്രി സർവ്വകക്ഷിയോഗത്തെ അറിയിച്ചു. കർഷകരോട് ചർച്ച നടത്താൻ കേന്ദ്രം എപ്പോഴും തയ്യാറാണെന്നും പ്രധാനമന്ത്രി യോഗത്തിൽ പറഞ്ഞു. കേന്ദ്രം ഒടുവിൽ മുൻപോട്ട് വച്ച നിർദ്ദേശത്തോട് കർഷകർ ഇനിയും പ്രതികരിച്ചിട്ടില്ലെന്നും പ്രധാനമന്ത്രി ചൂണ്ടിക്കാട്ടി.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam