കര്‍ണാടകത്തിൽ മുഖ്യമന്ത്രിയുടെ ഓഫീസിന്‍റെ പേരിൽ വ്യാജ ഉത്തരവിറക്കി പ്രചരിപ്പിച്ചു; കേസെടുത്ത് പൊലീസ്

കർണാടകത്തിൽ മുഖ്യമന്ത്രിയുടെ ഓഫീസിന്‍റെ പേരിൽ വ്യാജ ഉത്തരവിറക്കി സാമൂഹിക മാധ്യമങ്ങൾ വഴി പ്രചരിപ്പിച്ചു എന്ന പരാതിയിൽ പൊലീസ് കേസെടുത്തു.മുഖ്യമന്ത്രിയുടെ ഓഫീസ് നൽകിയ പരാതിയിലാണ് കേസെടുത്തത്

ബെംഗളൂരു: കർണാടകത്തിൽ മുഖ്യമന്ത്രിയുടെ ഓഫീസിന്‍റെ പേരിൽ വ്യാജ ഉത്തരവിറക്കി സാമൂഹിക മാധ്യമങ്ങൾ വഴി പ്രചരിപ്പിച്ചു എന്ന പരാതിയിൽ കേസെടുത്ത് വിധാൻസൗധ പൊലീസ്. മുഖ്യമന്ത്രിയുടെ ഓഫീസ് നൽകിയ പരാതിയിലാണ് കേസെടുത്തത്. മാണ്ഡ്യയിലെ ജില്ലാ ഹെൽത്ത് ഓഫീസറെ എക്സൈസ് വകുപ്പിലേക്ക് സ്ഥലംമാറി കൊണ്ടുള്ള ഉത്തരവ് എന്ന പേരിൽ വ്യാജ സർക്കുലർ പ്രചരിപ്പിച്ചെന്ന പരാതിയിലാണ് നടപടി. ബിജെപി നേതാക്കൾ സാമൂഹിക മാധ്യമങ്ങളിലൂടെ പങ്കുവെച്ച ഉത്തരവ് വ്യാജമാണെന്ന് മുഖ്യമന്ത്രി സിദ്ധരാമയ്യ എക്സിൽ കുറിച്ചതിന് പിന്നാലെയാണ് പൊലീസിൽ പരാതി നൽകിയത്. കോൺഗ്രസും സംഭവത്തിൽ പരാതി നൽകിയിട്ടുണ്ട്. ഉത്തരവ് ആദ്യം സാമൂഹിക മാധ്യമങ്ങളിൽ പങ്കുവച്ച ബിജെപി എംഎൽഎ സുനിൽകുമാറിനെതിരെ നടപടി ആവശ്യപ്പെട്ടാണ് കോൺഗ്രസ് പരാതി നൽകിയത്.