ആശുപത്രിയിലെത്താന് മറ്റുമാര്ഗ്ഗമില്ല, ഗര്ഭിണിയെ കൊട്ടയിലിരുത്തി പുഴകടന്ന് സാഹസിക യാത്ര
Synopsis
ആമ്പുലന്സോ, അതെത്തിക്കാന് നല്ല റോഡോ ചത്തീസഗഡിലെ സര്ഗുജയിലെ കദ്നാനിയില് ഇല്ല...
ദില്ലി: നല്ല റോഡോ വാഹന സൗകര്യങ്ങളോ ഇല്ലാത്തതിനെത്തുടര്ന്ന് ഗര്ഭിണിയെ കൊട്ടയിലിരുത്തി പുഴകടത്തി ആശുപത്രിയിലെത്തിച്ച് ബന്ധുക്കള്. എഎന്ഐ പങ്കുവച്ച വീഡിയോയില് യുവതിയെ നാലുപേര് ചേര്ന്ന് കൊട്ടയിലിരുത്തി ചുമന്നാണ് ആശുപത്രിയിലെത്തിച്ചത്.
ആമ്പുലന്സോ, അതെത്തിക്കാന് നല്ല റോഡോ ചത്തീസഗഡിലെ സര്ഗുജയിലെ കദ്നാനിയില് ഇല്ല. തൊട്ടടുത്തുള്ള സര്ക്കാര് ആശുപത്രിയിലേക്ക് പോകാന് പോലും പുഴ കടക്കണം.
മഴക്കാലമായാല് യാത്ര ദുരിതമാകുന്ന കുറച്ച് പ്രദേശങ്ങള് സുര്ഗുജയിലുണ്ടെന്ന് കളക്ടര് സഞ്ജയ് ഝാ പ്രതികരിച്ചു. മികച്ച ആരോഗ്യ സംവിധാനങ്ങള് ഇല്ലാത്തതല്ല പ്രശ്നമെന്നും അദ്ദേഹം പ്രതികരിച്ചു.
ഇത്തരം പ്രദേശങ്ങളില് ചെറിയ കാറുകള് ഉപയോഗിക്കാനുള്ള സംവിധാനം ഒരുക്കാനുള്ള ശ്രമത്തിലാണെന്ന് കളക്ടര് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam