എസ്‍ഡിപിഐ കേസ്; കോയമ്പത്തൂരിൽ ഒരാള്‍ അറസ്റ്റിൽ, ബംഗാളിലും രാജസ്ഥാനിലും റെയ്ഡ്

എസ്ഡിപിഐ കേസിൽ കഴിഞ്ഞ ദിവസം കേരളവും തമിഴ്നാടും കൂടാതെ പശ്ചിമ ബംഗാളിലും രാജസ്ഥാനിലും റെയ്ഡ് നടത്തിയെന്ന് ഇഡി.  വഹിദുർ റഹ്മാൻ എന്നയാളെ കോയമ്പത്തൂരിൽ നിന്ന് അറസ്റ്റ് ചെയ്തു

ദില്ലി: എസ്ഡിപിഐ കേസിൽ കഴിഞ്ഞ ദിവസം കേരളവും തമിഴ്നാടും കൂടാതെ പശ്ചിമ ബംഗാളിലും രാജസ്ഥാനിലും റെയ്ഡ് നടത്തിയെന്ന് ഇഡി. വഹിദുർ റഹ്മാൻ എന്നയാളെ കോയമ്പത്തൂരിൽ നിന്ന് അറസ്റ്റ് ചെയ്തു. ഇയാൾ ആയുധ പരിശീലനം നൽകിയിരുന്ന വ്യക്തിയെന്ന് ഇ ഡി വ്യക്തമാക്കി. ഇയാളുടെ അക്കൗണ്ടിലേക്ക് സംഭാവന എന്ന പേരിൽ എത്തിയ പണം പിന്നീട് എസ്ഡിപിഐക്ക് കൈമാറി. അനധികൃത പണമിടപാട് നടന്നെന്നും ഇഡി ആരോപിക്കുന്നു. കേസിൽ അന്വേഷണം തുടരുകയാണെന്ന് ഇഡി വ്യക്തമാക്കി. പിഎഫ് ഐ പലസ്ഥലങ്ങളിലും ആയുധ പരിശീലനം നടത്തിയതിന്‍റെ തെളിവുകൾ ലഭിച്ചെന്നും ഇഡി അറിയിച്ചു.